ازاى الحب يكمل ويمشى صح ويوصل للارتباط

ازاى الحب يكمل ويمشى صح ويوصل للارتباط

أيه المسموح بيه وإزاي ممكن نبني علاقة صح، أيه دور الاحترام وإزاي ممكن نبنيه ونحافظ عليه.

هنتكلم على 15 حاجة تساعد على بناء علاقةحب صح :

1 – متخلوش العلاقة تتطور بسرعة زيادة عن اللزوم. علاقات الحب اللي بتبدأ على الرابع غالباً بتفشل.

امشوا في العلاقة واحدة واحدة.

2 – ما تشاركوش مع بعض عيوبكم وضعفاتكم ومشاكلكم الشخصية في أول العلاقة. ليه؟ لأن الطرف الآخر بيستخدمها ضدك مع أول سوء تفاهم وصدقوني هيحصل سوء تفاهم.

3 – افتكروا على طول إن الاحترام بيسبق الحب. ابنوا الاحترام بينكم شوية بشوية.

4 – ما تتصلش بالطرف التاني كتير وماتسيبلوش الفرصة إنه يزهق منك.

5 – متعبرش / متعبريش عن رغبتك في الارتباط بسرعة حتى لو كنت متأكد/ه إنه الشخصية المناسبة. لازم الآخر يحس بنفس الشيء.

6 – خلوا بالكم أوي إن في كتير من الأوقات الطرف التاني بيحاول يمتحن العلاقة وده ممكن ياخد أشكال كتير. مثلاً تلاقي الآخر تراجع شوية عن العلاقة،أو افتعل خناقة غبية. ممكن يمر أسبوعين من غير ما الآخر يتصل. ممكن حتى يحاول يثير غيرتك بأنه/ إنها يغازل شخص تاني.

في كل مرة بيحصل حاجة كدا خليك/ خليكي تقيل.. ليه؟ لأن الآخر فيالحالة دي عايز يعرف هل أنا حر إني أسيب العلاقة وقت ما أعوز ولا لأ. أوعوا فيالحالة دي تتمسكوا بالطرف التاني أو تطلبوا منه يرجع. يا ما ناس عاشوا طول عمرهم منغير ما يرتبطوا بسبب إنهم معرفوش يتقلوا وقت الامتحان.

7 – معظم العلاقات اللي بتستمر أكتر من سنة وبتبقى ماشية ناحية الارتباط، بتواجه الامتحان الأعظم : واحد من الطرفين بيقرر ينهي العلاقة. الشخص المرفوض محتاج في الوقت دا يعرف إن طريقة معالجته للموقف هي اللي هتحدد مستقبل العلاقة وفي أوقات كتيره بيتصالحوا أو بيتجوزوا. لو ماحصلش مهما اتذللت أو اترجيت الآخر إنه يرجع لك مش هيحصل فمتهينش نفسك.

8 – بلاش تعتمدوا على بعض 100% في تسديد احتياجات بعض العاطفية لازم يبقى لكل واحد منكم اهتمامات وهوايات أخرى.

9 – احذر الأنانية في العلاقة. مينفعش التضحية تكون من طرف واحدبس. مره سبت بنت كنت هرتبط بيها لأنها كانت متوقعة إني أعزمها في أماكن غالية واشتريلها ورد وأسدد احتياجاتها كلها وهيا محاولتش تعمل أي حاجة ليا.

10 – فتحوا عنيكم عشان تشوفوا علامات الخطر اللي مينفعش ترتبطوا لو كانت موجودة زي الخيانة، الغضب، عدم الالتزام الروحي، تعاطي الكحوليات أوالمخدرات، الأنانية.........

محدش بيتغير بعد الجواز، صدقوني الوحدة طول العمر أحسن مليون مرة من جواز فاشل.

11 – احترموا بعض من أول العلاقة وتوقع إن الآخر يحترمك. الراجل لازم يفتح الباب للست والست لازم تعامل الراجل باحترام خصوصاً قدام الناس لو مكنش دا موجود من الأول هيبقى مستحيل يتبني بعد الجواز.

12 - أوعى تحسس الآخر إن قيمته جاية من شكله الخارجي. متطلبش منالآخر إنه يكون كامل وإلا هو هيطالبك بنفس الشيء والشكل الخارجي بيتغير بسرعة.

13 – لو مكنتوش لقيتوا الحب الحقيقي لحد النهاردة متقولوش (عمرما حد هيحبني) ده فخ ممكن يدمرك. في ملايين الناس بتدور على حد تحبه المهم إنكم تلاقوه.

14 – حتى لو كانت علاقتكم ناجحة جداً واتفقتم على الجواز لازم تكونوا عارفين عيوب بعض، توقعاتكم من بعض واختلافاتكم. يا ما ناس بترتبط من غير مايعرفوا الحاجات دي فينتج عنها مشاكل رهيبة بعد الارتباط.

15 – تجنبوا العلاقات الجنسية. الراجل مش بيحترم الست السهلةوالست مش بتحترم الراجل اللي مفيش في دماغه غير حاجة واحدة. اتعلموا تقولوا "لأ".

منقووووووووووووووووولوعاوز اعرف رايكم فى الكلام ده ولو عندكم تعليق على حاجة منه اكتبوه ولوعندكم نصايح تانية ياريت نتشارك

لا بجد موضوع جااااااااااامد ونصائح جميلللللللللله
وربنا يوفق كل الناس المرتبطه واللي نفسها ترتبط ارتباط صحيح

بس انا كنت عاوز اقول انك نسيت تقول ان الصراحه مطلوبه برضو حتي في اصعب الاوقات بينهم وبلاش حب الذات الزياده ومحدش يقسي يعني يبقي قاسي علي التاني غير لما يعرف الاسباب ..

نكتفي بهذا القدر ههههه ميرسي علي الموضوع

رأيك صح يا بيسوو فعلاً الصراحه اهم شىء بين الطرفين عشان الثقه تزداد بينهم

ميرسى على مرورك يا بيسوو

افتكروا على طول إن الاحترام بيسبق الحب. ابنوا الاحترام بينكم شوية بشوية

ميرسي ياهاني علي الموووضوع الجميل ده ++

بس علي فكره مش كل علاااااقة الحب تطتلب النقط دي

كل علاقه وليهااااااااا طرقهاااااااااااا

ميرسى على الموضوع الحلو دة وفعلا الصراحة والاحترام اهم حاجة فى الحب والتعاون بين الطرفين ربنا يبارك خدمتك

:bball:

اكيد يا يوستينا كل علاقة حب بين طرفين لها ظروفها الخاصه بس انا اعتقد ان دى اساسيات اى علاقة حب تنتهى إلى الإرتباط المقدس

شكرأ
على مرورك وإبداء رأيك

رأيك صح يا شيرى الحب والأحترام اساس اى علاقه ناجحه بين طرفين

ميرسى على مرورك وتشجيعك

بصوا انا ها اقول رأيي
من وجهة نظر المسيحية انا ليّ تأمل ...
لأنك يا رجل لما تحافظ علي نصفك الثاني اللي هي المرأة ربنا ها يدهالك ان كنت انت جاااااااااااد في علاقتك .. لانك لو ما حافظتش عليها وهي بنت رنا او مخلوقة علي شبهه وصورته ربنا مش ها يوهبها لك

اكمل .........
والمقصود بالمحافظة عليها
يعني تحافظ عليها في كل شئ
مشاعرها .. احساسها .......... جسدها ..

كـــــــــــــــلام جميــــــــــــــــــــل كلام معقـــــــــــــــــــــــــول مقدرش أقـــــــــــــول حاجه عنــــــــــــو
بصراجه كلامك كلو all right
بس هضيف حته صغننه وانو لازم يبقي في عنصر مشترك بين الاتنين وميؤتمنش عليه انسان او انسانه لانهم في بعض الاحيان هيوقعوا بين الاتنين لكن خلو العنصـــــــر دا يبقي اســــــــاسي وهو

الـــــــــــــــلــــــــــــــــــــــــــــه
وبكده اضمنلكم علاقه قويه وحب سليم ويكمل ويمشي صح
تقبـــــــــــــــــــــل مروري

رأيك صح يا STAR وده اللى موجود فى نقطه رقم 15 ومعناه ان لو البنت حست ان حبيبها ما بيفكرش غير فى حاجه واحده .وبعيد عن ربنا أكيد هتفقد الثقه فيه وهتعتبره مابيحترمهاش وبينظر ليها كجسد فقط وهذه الأنواع من العلاقات بيبقى تالتها الشيطان مش ربنا وأكيد بتفشل

ً على مرورك اللى نور الموضوع

كلام جميل يا كيرو اكيد اى علاقة بين طرفين سواء فى فترة الخطوبه أو بعد الإكليل لازم ربنا يكون تالتهم ويكون ليهم صلة قويه بالكنيسه لإنجاح هذه العلاقه

ً على مرورك وتثبيت الموضوع

موضوع كتير حلو و مميز
بس عندى تعليق بسيط
ومهم

فى مقولة بتقول

الزواج الناجح ليس القائم على الشفافية التامة
.ميرسى على تعبك يا قمر

ميرسى على رأيك يا جميل

موضوع جميل بجد ربنا يعوضك وبجد انا حسيتة اووووووووووووووى يمكن عشان انا فية صلولى ان ربنا يساعدنى وانا هحاول اعمل ببعض الحاجات دى

موضوع جميل بجد ربنا يعوضك وبجد انا حسيتة اووووووووووووووى يمكن عشان انا فية صلولى ان ربنا يساعدنى وانا هحاول اعمل ببعض الحاجات دى

[ندعوك للتسجيل في المنتدى أو التعريف بنفسك لمعاينة هذه الصورة] بجد ببببببببججججججججججد موضوع فى غاية الروعه صلولى انا فى نفس الموقف [ندعوك للتسجيل في المنتدى أو التعريف بنفسك لمعاينة هذه الصورة]

ميرسى على ردك يا ماريان

وميرسى يا فيلوباتير وربنا يفرح قلبكم

موضوعك جميل جدا يا هاني ميرسي كتير ليك وانا شخصيا استفدت حاجات كتير مكنتش عاملة حسابها ربنا يعوضك

[ندعوك للتسجيل في المنتدى أو التعريف بنفسك لمعاينة هذه الصورة]