اكيد كلكم بيحب النت ولازق طول النهار قدامه
والا مكنتوش دخلتوا منتدى زى ده أحلى
وأجمل منتدى فى حياتى كلها .....
المهم وانت لازق على النت اكيد هيشدك
الشات ولو كنت ولد يبقى هتكون عاوز تكلم
بنات والعكس صحيح هو بس مبيبنش كده بس
يتمتعن وهن الراغبات فيه نسبه وتناسب
بس لان البنات بحكم عقلهم اللى بينضج
بسرعه وده معروف مقدرش انكره بيقدروا
يبلفوا الصبيان بسرعه رغم كده ساعات ضحايا
منهم بيقع فى ايد عيال خبيره دايسه موضوع
النت والحب ده كتير فبيبقى ليلتهم شات
ونهارهم مسجات ورنات
اول حاجه ممكن تلاحظها نوع كلامه اوكلامها
مهما حاول اوحاولت تغير طريقه تفكيرها مش
هتقدر تغير نزعاتها ورغباتها الانثويه او تفاخره
بنفسه الرجولى
بالاضافه انك لازم تتاكد انك بتتكلم مع مين عن
طريق الفويس(الصوت) مع ان ده راحت عليه
بعد البرامج اللى بتحول الصوت
بعد كده عندك طريقه أول مبتخش وهى انك
تاخد رقم المحمول ولو كنت انت ولد مثلا وهى
بنت هتمانع فى الاول بس بعد متقولها انا لازم
اتاكد انك بنت مش ولد عشان كده باخد النمره
وطبعا تتصل بيها الظهر مثلا
ولا العصر مرتين تلاته على مدار اسبوع فى
اوقات مختلفه لتتاكد انها بنت ولو كان واد
بيلعب يبقى اكيد مش هيدهولك لانه بيضحك عليك
اما بالنسبه للبنت فلو كان ولد من غير متقوليله
هيدهولك اصل احنا عالم واقعه جدا هههههههههههههه لأن الصبيان مبيبقاش
الكلام عليهم كتير زى البنات
اما لو كانت بنت وده مبيحصلش خالص ان بنت تلعب على بنت الاقليل جدا ولو حصلت مع
واحده تبقى مش هتقولها بحبك ولا حاجه وانما بيبقى البنات بيتملكهم الفضول لمعرفه اخبار
البنات التانيه او اسرارهم فسعات بيعملوا كده مع ان لو قالولهم ان احنا بنات هبيبقى احسن
لانهم بيبوحوا باسرارهم للبنات اكتر من الصبيان وذلك لان البنات بتفهم بعض جسم وعقل واحد
ان فى حاجات مينفعش تتقال للولاد اكيد فهمنى
بالاضافه لان لو اللى قدامك ميعرفكش ولا تعرفه ممكن تحكيله لانك مش هتخاف انه
يتسيحلك او اخبارك تتنشر بين اصحابك منه
بس خلى بالك بس انها متكنش واحده صاحبتك
داخله باميل تانى عليكى
المهم يا جماعه بقى ميجيش واحد عليكوا كده ويقولك اصل انا لقيتك فى موقع كذا وتكون انت
مشترك فيه ويقولك وانا جربت اتكلم معاك يعنى لو صدقت تبقى قمه الهبل دا واحد صاحبك بيلعب عليك
بعد ما تاخد تليفونها يا ريس تبقى تاخد ايه صورتها ما انت اتاكدت من التليفون انها بنت او ولد
ولو مخدش صورتها اصبر معاها اسبوعين كده بس لو بدات تحبها اوعى تصارحها بده قبل ما
تاخد الصوره لاحسن تطلع وحشه يا مان ويبقى ليلتك طين وعاده اللى صوتهم حلو فى التليفون بيبقى نسبه كبيره منهم شكلهم مش حلو
وبعد ما تاخد الصوره وتطلع حلوه ابقى يا عم اعترف ليها بحبك وبعدها بكام يومم قلها
عاوزين نتقابل ولما تقابلها شوف ضحكتها عامله ازاى وكده لاحسن تطلع ضحكتها هبله هههههههه
بس خلى بالك اول مقابله لاتحسب عامه ممن تقدر ... الموضوع كويس من تانى مقابله
ولو قررت تحب يا ريس يبقى لازم تعرفها كويس ......
اديها شويه حريات فى مواضيع انت مبتحبهاش بس شوف رد فعلها ايه لما تاخد حريتها لو
قبلت يبقى البت ديه ملعب لو رفضت نفسها يبقى كويسه والا تبقى داهيه معلش يا جماعه
انا ولد فبتكلم بصفه الولد كتير
وعلى فكره من احسن الحاجات انك تعرف انها بنت هى الكاميرا
ولو حاولت يا معلم تمد اديها تمسك ايدك يبقى البت دى احتمال حبتك جدا حاول
تتاكد هتعرف من حكاياتها عن اصحابها
وطبعا يا ريت تعرف شويه عن اصحابها وعن
اهلها لانها بتبقى واخده منهم كتير
وسلام يا شباب ويا بنات اوعى تغلط
وتمسك أيديها وكده يعنى
اكيد عندك اخوات تخاف عليهم او هيبقالك بنات تخاف عليهم
وكل زمن زى ما انتم عارفين بيبقى اوحش من اللى بعده
أتمنى الموضوع يعجبكم لانه جاااامد جدااااااااا
وربنا يسترها علينا واوعى تشرب المقلب المتين وتحب واد زيك
هههههههههههههههههههههههههههه
اتمنى ان يكون عجبكم
الموضوع منقوووووول
موضوع: ازاى تحب على النت؟؟ 
الثلاثاء 5 مايو - 5:02
