الحـــب علي الانــترنــت......!!!!!!!!!

أنا عارف إن كل اللي هايخش يقرا ها يستغرب الموضوع أوي والعنوان كمان ,



بس اى حب فى الدنيا بيبقي مبنى على اسس وانا هجيب ابسط الاسس ونطبقها على الحب ده


1-معـــرفه جيده(شكل -اسلوب-طباع)
2- صدق ومشاعر حقيقيه
3- توافق
نشوفهم بالتفاصيل بقي:



1-المعرفه


الشكل:
انت تعرف شكلها؟؟ شوفت صورتها اه.... واثق منين انها دى صورتها !!
طب بالوصف يمكن مش وصف حقيقي
شوفتها يبقي كده نقطه
لكن لو مشفتهاش كده حاجه ناقصه من بدايه العلاقه


اسلوب:
دى بقي هتقدر تحددها ازاى من الشات
نفترض شوفتها مره هتقدر تحدد اسلوبها ازاى مع اصحابها يمكن اللى بتعاملك بيه ده مش اسلوبها الحقيقي نفترض شوفتها كتير كده يبقي عرفت اسلوبها لكن لو مشفتهاش يبقي متعرفهاش واعرف انه مش حب


طباع:
فى النت طبعا كل واحد بيحاول يظهر اجمل ما عنده انا مؤدب واخلاقى عاليه ومش بحط سيجاره ف بوئى وهو حشاش اساسا انتى هتعرفى منين!!!!!!!
والطباع دى بقي مبتظرهرش من مره ولا اتنين دى لازم مواقف جامده ومحتاجه وقت
لكن لو مشفتوش اساسا ازاى هيبقي حب بجد !!!!!!




2 - صدق ومشاعر حقيقيه



الصدق:
دى نقطه مهمه جدا فى اى علاقه على النت او بره لكن بره ممكن تحسيها من نظره عين
من كلمه او من حركه لكن النت!!!!!!!!!!!! ازاى دى بقي هتحسى الصدق ازاى بقي لنفرض انكم شوفتوا بعض هتقدروا تحددوا مين الصادق ومين الكذاب اذا كان اساسا انتوا رايحين تشوفوا بعض وانتوا حبين بعض هتقدروا تحدووا عيوب ازاى ! افرض مشفتوش بعض هيبقي حب ازاى كده بالعقل !!!!!



المشاعر الحقيقه :
تخيل واحد ممكن يكون مرتبط بواحده مش من النت وبيخدعها تخيل بقي من النت ومشوفتوش كمان دى مفهاش مشاعر اساسا لا كذب ولا حقيقيه اللى بيحب بيبقي نفسه يشوف حبيبه دايما تخيلى هيبقي حب ازاى وهي مشافتوش اساسا وازاى بيقولها بحبك واحنا منعرفش بعض لا شكل ولا اسلوب ولا طبع ولاحتى عارفه هو صادق ولا لا
مش حب ده وجع قلب وحيره جامده



3-التوافق ::
دى نقطه اهم من كله
عرفتى منين انه متوافق معاكى ميمكن واحد شغال فى سايبر وبيقولك انا ابن مش عارف مين وعربيتى نوعها كذا ولا يمكن بواب متمدن بيقعد على النت وبيقولك انا فى الفيلا بتاعتنا منت مشفتيش هتعرفى منين بقي ولنفرض انك شوفتيه وطلع استايل ونضيف او حتى عادى مناسب معاكى مش شرط كده
مستواه العلمى متناسب معاكى هتقول اه عرفتى منين وانتى مشفتيش بالأحساس
بقي طب ومستواه الاجتماعى بيقولك انا ساكن فى حته نضيفه وهو ساكن فى منطقه بيئه هتعرفى منين هتمشي وراه بقي؟؟ ولا اصحابه ميمكن مصاحب ناس وحشه دى هتعرفيها منين وكذلك مع الاولاد هتعرف منين كل ده وكمان ازاى هتقدرى تحدددى مدى التوافق الفكرى وانت متعرفيش طبعه ولا اخلاقه !!!!

************************************************** *


الحب مش كلمه سهله يا جماعه الحب احساس مش سهل نحسه بلاش نخلى مشاعرنا رخيصه لاى حد منعرفوش صح لمجرد احتياج للمشاعر دى كل حاجه ليها وقتها انت مش بتخش الجامعه غير لما تعدى على الابتدائى والاعدادى والثانوى الحب كده ليه وقته الصح اه بنحب فى اوقات غلط واحنا مش حاسين ومش بنحس ده غير بعد مننجرح بلاش نخسر اجمل مشاعر جوانا ..



في الاخر انا عايز أوضح ان النت ممتاز جدا في توصيل المشاعر الصادقة وبيسهلها جدا بين اتنين يعرفو بعض بجد
والصدق فعلا موجود بينهم وطبعا مابيكونش العيشة بتاعتهم مبنية على النت ومن النت وكل عيشتهم على النت وعايزيين يفضلو يحبو على النت بس
لا هانقول انة وسيلة زيادة لتقريبهم ببعض يعني مش هايلاقو فرصة انهم يبقوا مع بعض فترة طويلة الا بية والميزة انهم فعلا من الاول صادقين فهيكون النت وسيلة ذهبية ليهم


وانا شوفت في الحقيقة امثلة بضرب بيها المثل في الحب لانهم بنو من الاول علاقتهم الحقيقية على الصدق بعد ماتعرفو على النت


لكن لو مبني على كذب من الاول هايكون وسيلة غلط وهايضيع الطرفين ............ ..



هل انت متاكد ان ارتباطك عاطفيا من النت نابع من الصدق منك ومنها
هل انت متاكد معـــرفه جيده(شكل -اسلوب-طباع)
هل انت متاكد من التوافق


لو عرفو وبنو علاقتهم بكل الاسس دي اكيد هاتنجح
ااقل حاجة لو مش موجودة عندك اعتبرة فاشل


واوعى تعيش فية .......
و مستني ارائكم

ميرسي اوي يا قمر
مرورك الجميل دة

اكيد الحب علي النت مش بينفع في اغلاب الاحيان

ربنا يعوض تعب محبتك

مرسي اوي يا جاك
علي مرورك الجميل دة يا قمر
ربنا يعوض تعب محبتك

ميرسى جداااا لطرح الموضوع المهم ده
وياريت الكل يعرف خطورته
ويبقى افضل لو عرفوا ان البابا ضد الحب على النت لأسباب اتقلت فى الموضوع وغيرها كمان
وربنا يحمى اولاده
ربنا يعوضك

بجد الموضوع دا جــــــــامد وياريت كلنا نفهمه مش نقراه وخلاص
وبجد كمان الحب علي النت دا ممكن تكون مجرد خدعه
او تلاعب باحاسيس الي قدامك
او ممكن يكون وقت وبيتسلا فيه مع بنت
زي ما قولتو


مرسي بجد يا شاجي علي الموضوع الجامد دا
وربنا يبارك حياتك

هاااااايل الموضوع
ومسيررررر للقراءه ياااااااااشااااجي
بصي هو الحب والمشااااعر وحده وانتي تقدري تحكمي علي الانساااااان من اسلوب كلامه بعد فتره
ومش كل النااااااسس كدابه وخدااااعه
وانا اعرف علاقات كتيرررر جداااا علي النت ونجحت كتيررررررر
بس المفروض قبل ما تحبي شخص علي النت
تفهمية كويس
وتقدري تحكمي عليه
ده رايي ياااااجمااااعة

الموضوع جميل و لتعبك بس المهم فى الصدق من النفس الاول مش بالكلام على النت الصديق والحبيب دايما صريح وكمان دائما منه فائده ملحوظه لحبيبه او صديقه دايما يكون مؤثر فيه من داخله الاول من كلام وطباع وصدق مشاعر متبادله يعنى لازم يكون كل اتنين حاسين ببعض كتير قبل الكلام
يعنى قبل ما الكلمه تطلع اكيد الشخص الاخر يكون حاسسها انها هتخرج كلمه كذا مثلا يعنى والف شكر ليك على تعبك والرب يعوض محبتك وتعبك

ميرسي ليكيو كتير يا جماعة ردودكو ومشركتكو دي هي الي اعتت جمال لي الموضوع

بجد جامدة يا شاجى روعه روعه ربنا يباركك يا جميل