البابا كيرلس جه عندنا للعراق وعمل لينا معجزة

بسم الاب والابن والروح القدس اله واحد * امين *

انا عاوزة اكتبلكم المعجزة الي عملها معانا البابا كيرلس والقديس مار متى الناسك ( سامحني يبابا كيرلس اني كتبتها متاخر جدا سامحني )
انا اثمار شمعون من العراق _ الموصل . والمريضة الى ساعدها البابا كيرلس هي مراة اخويا فاتن وعندها طفلة واحدة اسمها سارة والطفلة دي كمان جت بمعجزة من الرب يسوع

فاتن بعد مااتجوزت حصلها ورم بالغدد اللمفاوية من اول سنة
. قرر الطبيب انها تاخذ علاج بالجرع علشان تروح الغدد دي بعد العلاج
الطبيب قلها خلاص راحت وانت صرتي كويسة بعديها بشهور كده صارت فاتن حامل
بسارة فرجعت الغدد تاني عليها وكان لازم تاخذ العلاج بالجرع تاني وهي كانت
حامل بالشهر الثالث فالطبيب قرر ينزل الطفل لو الغدد دي ازداد حجمها فضلنا
نصلي ونطلب وكل يوم فاتن كانت بتعمل فحوصات والغدد زي ماهي ونشكر رب المجد
يسوع على المعجزة الاولى انه سمح لفاتن انها ترزق بطفلة حلوة اسمها سارة
الي انا حاطة صورتها جنب اسمي دي كانت المعجزة الاولى .
بعديها صارت فاتن تتعالج من المرض ده لمدة 7 سنوات وفضلت
تقاوم المرض ده بقوة الرب يسوع وشفاعة القديسين كلهم وام النور مريم بس في
السنة 3 الى 4 ادهورت صحتها وكل يوم حالتها تدهور اكتر من الاول واحنا
مخليناش مكان مش رحنا سالنا فيه عن علاج ليها وعن عمليات خارج القطر
وبالاخير فضلنا نصلي ونطلب من ربنا حل للمشكلة دي حتى ان الطبيب قلها خلاص
يبنتي ملكيش اي علاج خالص خلاص هتفضلي انتي وربك العلاج بالجرع مش نافع
معاكي ولو تاخذيه المرة دي مش هتقومي من الفراش تاني ( يعني هتموت ) رجعت
فاتن للبيت منهارة وبتعيط وفضلنا نتكلم معاها ونصبرها ونقلها انتي قوية
وايمانك بربنا قوي واكيد ربنا مش هيسيبك ولو مش علشان خاطرنا علشان خاطر
سارة الصغيرة وبفضل شفاعة القديسين سمعنا انهم بيعملوا عملية زرع نخاع
العظم عندنا
بالعراق ببغداد رحنا وسالنا وقالوا انها تجي وهم هيعملولها العملية دي بس
اكد الطبيب انها خطيرة جدا . اتكلنا على ربنا وفضلنا نصلي ونطلب من الرب
يسوع والعذراء مريم وكل القديسين وشفيع قريتنا برطلة القديس مار متى
الناسك وقبل ماتروح فاتن على بغداد ضهرت العذراء ام النور عندنا
بقرية قره قوش بغديدا بكنيسة مار كوركيس اخذنا فاتن ورحنا هناك وشفناها
واخذنا بركتها وفضلنا نبكي ونصلي بعديها رجعنا للبيت ومن هنا ابتدت
المعجزة التانية .

لما الليل جه فاتن ولؤي اخويا اخذوا سارة لحجرتهم علشان يناموا وبنص الليل فاقوا على صوت سارة بتقول بحبك يبابا كيرلس انا هديك اكل من عندنا علشان تاكل قام لؤي ونيمها تاني وقلها بطلي تتكلمي ونامت سارة ولما صحينا الصبح جت سارة عند بابا وماما قالت ليهم البابا كيرلس كان عندنا
بالغرفة وقلي ياسارة انا جيت علشان اشفي مامتك واحنا فضلنا نبص واحد على
التاني ونقول دي طفلة صغيرة كان عمرها ثلاث سنوات ونص بس واحنا مش عارفين
انها صادقة ولا لا وكمان احنا معلقين صورة كبيرة للبابا كيرلس بالبيت فراحت واشرت على الصورة وقالت نفس الشخص ده ( يعني هو نفسة الشخص الي كان معاها بالحجرة ). فضلنا نشكر ربنا ونشكر البابا كيرلس انه جه عندنا احنا الي مبنستهلش تراب رجليه .
وفعلا فاتن راحت للعملية وابتدات بالعلاجات وكانت العملية
خطيرة كتير انهم بيفرغوا جسمها من المناعة ( كريات الدم البيض ) يعني اي
بكتيريا صغيرة ممكن تموتها بلحضات بس وفضلت معزولة عن البشر
لشهوربالمستشفى الي ببغداد. وبعد كده ادهورت حالتها بس مش كانوا بيحكولنا
اي حاجة هنا ( برطلة )بعديها عرفنا انها عايشة على المغذي الي بيدوه
للمريض بالوريد علشان يعوض الجسم بدال الاكل علشان هي كانت بتموت اصل حصلت
ليها حالة التهاب قوي فبقها والبلعوم بتاعها على شكل قطع لحم كبيرة قوي
بسبب عدم وجود المناعة بجسمها والاطباء قالوا انهم واثقين انها هتموت خلاص
والحالة ميؤس منها وبعديها وصل لينا
الخبر ده ونزل علينا كالصاعقة وفضلنا نبكي ونصلي ورحنا لكنيسة مار كوركيس
_ كنيسة قديمة جدا )واخذنا القس داؤد وناس كتيرة منعرفهمش نزلوا معانا
للكنيسة وعملنا ليها طلبات وصلوات وفضلنا نبكي وننده للقديس العظيم مار
كوركيس(مار جرجيس ) ومار متى والبابا كيرلس
وام النور وكلهم ونشكر ربنا بعد لما خلصنا طلبات وصلاة اتصلوا بينا وقالوا
انها فاقت واكلت شوية شوربة خفيفة وحسينا بسلام داخلي وعرفنا ان الرب
والقديسين كلهم معانا وبعديها بيومين الطبيب لاحظ معجزة
تالتة ان فاتن بترجع كل اللحم والالتهاب الي ببقها بطريقة معجزية وان بقها
وبلعومها شفي تماما بعد ماكان ينتظر الالتهاب ده ينزل للمريئ ويخنقها
وتموت( مااعظمك يارب الجنود) وبعديها اتحسنت فاتن وقدرت تاكل كل حاجة
بشفاعة كل القديسين واكيد شفاعة البابا كيرلس الي قال لسارة انه جه يشفي امها وبعد مااتحسنت فاتن شويةعملت فحوصات علشان ترجع للبيت عندنا والطبيب قال ليها لو الفحوصات مش كويسة مفيش رجوع للبيت فقامت فاتن تعاتب البابا
ومار متى وقالت ليهم انا عاوزة منكم الفحوصات دي مش من الاطباء وبسم
الصليب دي كانت المعجزة الرابعة انهم كانوا بيعملوا فحوصات في 3 اماكن
وبكل مكان كانت النتائج بتختلف مع الفحوصات الي كانت بتعملها وفي المرة
الاخيرة لما طلعت الفحوصات الطبيب اتعجب وقال ان دي فعلا معجزة
الفحوصات كانت معجزية بشكل غير متوقع وبالاماكن الثلاثة نفس الفحوصات ونفس
الاعداد وبكده سمحلها انها ترجع للبيت واحنا بنشكر رب المجد يسوع وامنا
العذراء مريم والبابا كيرلس الي نورنا وشرف بيتنا بزيارته لينا احنا الخطاة الغير مستحقين وكل القديسين وكمان البابا شنودة الي جالي بالحلم وقالي ان فاتن قاعدة بين ملاكين بيحرسوها وقديسين كمان اشكرك ياابويا وحبيبي البابا شنودة وامنيتي ابوس التراب الي بيقع من رجليك ياقديس الله .

سامحوني اني طولتها عليكم بس ده حق البابا كيرلس عليا وكان لازم اكتب الي عمله لينا ونشكر الرب الي اتمجد اسمه بقديسيه واكيد البابا كيرلس مش هيسيبنا لحد لما يكمل معنا شفاء فاتن وطبعا دي ارادة رب المجد مش ارادتنا

بركة صلوات البابا كيرلس ومار متى الناسك وكل القديسين وامنا العذراء مريم مع جميعنا امين

اذكروني بصلواتكم
[ندعوك للتسجيل في المنتدى أو التعريف بنفسك لمعاينة هذه الصورة]

عظيمه هيا اعمالك يارب فليتمجد اسمك في كل حين

يا ورده يسوع علي المعجزه الجميله جداااااااااا دي

وربنا يباركك ويعوضك محبه وانشالله فاتن تبقي احسن من الاول بنعمه ربنا