ابنى الحبيب

ابني الحبيب

مش هينفع نفضل بعيد عن بعض كدا... !!!
أنا حاسس أنك مخاصمني



اصل انا كل يوم بستناك تحكي معايا وانت مش بتيجي

فقلت اجيلك النهردة أحكي معاك


كلامك معايا هو لذة بالنسبة ليا....

أنا صديقك وعاوزك انت كمان تكون صديقي...خدني معاك في كل خطوة


انت لسة زعلان مني عشان محققتلكش.....اللي طلبته مني ؟
صدقني هتعرف بعدين ...في السما هبقى احكيلك كل حاجة
فاكر اليوم اللي كنت مضايق فيه جدا بسبب....؟

انا كمان كنت مضايق جدا يوميها..انا بضايق لما حبيبي

بيضايق
وفاكر اليوم اللي بكيت فيه بسبب.....؟
انا كمان عيني دمعت اول ما انت بكيت وإيدي كانت تحت عنيك بتلقط كل دمعة نزلت

...دموعك دي جواهر ثمينة عندي


أنا عارف ان اوقات كتير بتحس انك لوحدك وماحدش فاهمك

لكن وقتها انا مبستحملش أشوفك وحيد فبجري اقعد جنبك
لكن انت مش بتاخد بالك...وصدقني ببقى فاهمك وحاسس بيك لأبعد ما تتخيل


فاكر وقت التجربة... اللي مريت بيها..؟
انا عارف ان انت لما كنت بتصليلي كنت فاكرني مش سامعك

لكن في الحقيقة انا مكنتش معاك من اول التجربة..
بس دا من قبل ما تبدأ التجربة انا كنت معاك وبجهزلك الحل...
صدقني انا دايما سامعك..حتى الكلام اللي مش بتقوله انا بسمعه


أنت قلقان على مستقبلك ؟
هسألك سؤال :هو انت اللي كنت دبرت حياتك اللي فاتت ولا انا ؟

خلاص سبني أنا أدبر مستقبلك..
متقلقش انا هكون معاك لو حصلت اضطرابات في حياتك ماتقلقش انا عارفها
إذا كنت انا بهتم بالعصافير...معقولة مش ههتم بيك؟


أنا مش ناسي الأيام الجميلة اما كنت قاعد بتسمع كلمتي

..كان شكلك جميل قوي...عمري ما هنسى اي يوم كنت فيه في كنيستي
عمري ما هنسى اي ذرة تعب قدمتها علشاني
حتى انت لو كنت شايف ان عملك صغير لكني شايفه كبير جداا
لأنك كنت بتتعب علشاني



هنستحمل شوية تعب صغيرين على الأرض بس متقلقش
...كل التعب اللي في الأرض دا ولا حاجة بالنسبة للمكان الرائع
اللي انا حاجزهولك عندي في السماء

كلام جميل اوي ياشيرين


سامحني يارب لاني ديما بتأخر عنك في كل حاجه ارجوك قرني منك ديما وخليك انت اول حاجه في حياتي