خبينى يااااااااربى !!!!!!!!!!!

خبينى يارب

قلتله خبينى يارب .. قالى برضه لسه خايف
قلت ايوه لسه خايف

...قالى ليه وانا عينى عليك شايف وعارف .. قلت أصلى ضعيف مش قادر أتحمل مصاعب

قالى يابنى يا حبيبى

خليك معايا هشيل معاك كل المتاعب .. اوعى تبعد او تمشى انا معاك وسط التجارب

بس صلى ... بس اطلب ... بس عبر عن احتياجك

ليه بتبعد وسط المشاكل ... ليه بتبكي ودايماً ساكت

اصرخ وقول ... ارحمنى ياربى ... اشفى قلبى المجروح

قلت فى ضعفى بنسى انى
ليه مكان وليه حبيب وليه اب يملك يداوى كل الجروح

بنسى واجرى يمين وشمال يمكن الاقى راحة وشفاء

والصدمة أنى بفضل بهمى
حزين ... تعبان ... هفضل كده تايه حيران

مش لاقى قوة ترفعنى ... حاسس بمرارة و ذوبان
قالى يا بنى حزنت قلبى .. أنت ابني تعالى لحضنى

ليه ضعيف ... ليه تعبان ... ليه دايماً بعيد قلقان

مش شايف .. مش عارف .. انا موجود فى كل مكان

لما تكون بردان تعالى لحضنى هتلاقى كل الدفء والحنان

لما تكون حيران تعالى لبيتى هتلاقى نصيحة و إرشاد وحصون تحميك من التوهان

لما تكون تعبان تعالى هتلاقى كل الراحة والسلام والأمان
كفاية تعب ... كفاية بكاء ... كفاية حزن على اللى فات
قوم وانتصر وحارب التجارب والضعفات

ابني المحبوب
انا معاك شايف وعارف .. انا حاسس بيك يا غالي .. اوعى تبعد عنى تاني

قلتله اه ياربي
كلامك ريح قلبى تاني .. عايش معايا وانا فاكر نفسى وحيد و بعانى

اه ياربى
بسلم قلبى ليك من تاني .. بقولك من قلبي ومن كل كياني
بحبك أوى يا الهى .. يا احن أب .. وأغلى من كل غالي

سكت شويه وقالي تاني .. قالى برضه لسه خايف

قلت لا ... قلت ياربي
انا وياك منقوش على كفك .. محمي فيك وفى قوة قلبك
مش هخاف ... أنت رافع قلبي وكياني

أنت رافعنى فوق التجارب
همسك فيك .. و أمشى وراك واتحدي المصاعب

ااااااااااااااااااااااااا
شيرى
رائع
الرب يفرح قلبك