صعيدى بيحب بنت ستايل اوى اوى جــــــــــــــــامــــــــد

تذكير بمساهمة فاتح الموضوع :

دة مسلسل كبير شويا انا هنزل دلوقتى اول حلقة لو عجبتكم
هنزلكم الباقى

نبتدى بالحلقة الاولى
احمد: لو سمحتي حضرتك...ممكن برايةنور: ههههههههههههههههههههههههههه

احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد : شكرا

بس انقلي كويس ..وياريت تنظمي الكراسة
(اثناء ما المحاضرة شغالة ونور شغالة كتابة واحمد هيموت عشان مش معاه قلم)
احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة

نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...بجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت ومش عرفت ترد على بجاحة احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية

احمد وسط حشد من الطلبة بنات وولاد

وكأنهم قطيع من المواشي

هررررررررررررررررررر...وضحكته سمعت كل اللي ماشي(نور بتحكي مع زميلتها من كلية تانية على احمد )
نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت

نور : بس تعرفي شكله وسيم اووووي...حاسة انه طيب وعلى سجيته

هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا

نور: يا ستي سيبك

هالة: على رأيكخلص اول يوم في الجامعة وقبل النهاية بدقايق
احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: هههههههههههههههههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف
سابته ومشيت .....وقال
احمد: عليكي يا شيخة وعلى هالة وعلى الجامعة كلتها....وبرضه خطك زي الزفت
عاوزين تعرفوا اليوم اللي بعده حصل في ايه

تابعوا معايا بقى قصة حب احمد الصعيدي ونور البنت الاستايل

[center][right]

ماهو لو كتبت الموضوع كلة
عنصر المتعة والتشويق للحلقة الى بعدها هيضيع
وبعدين يا عم منا كل يوم بنزل واحدة
وادى الحلقة الى بعدها ولة تزعل نفسك

WELCOME

الــــحـــلـــقــة الخـــامـســة

تعالوا نشوف الحلقة حصل فيها ايييييييه

احمد دخل لقى اتنين اعدين مكانه هو ونور

دي كانت نهاية الحلقة اللي فاتت يا شباب

دى الحلقة الجديدة
احمد : ايه يا كابتن انت وهو انا حاجز المكان ده من بدري

انت حاجز صالة ولا بلكون

احمد : لأ حاجز كنيف يا خفيف

هو انت فاكرني شاي ولا ايه

احمد : ايوة شاي ومتاخدش في ايدي غلوة كمان

انت باين عليك متعرفش الكابو هيثم

احمد : وانت باين عليك متعرفش احمد ابن عم هريدي عمدة القرية

ههههههههههههههههههههههههههه

احمد : بتضحك على ايه يا ابن الدذمة

ودخل احمد في عراك وكأنه عراك بين الديوك ونور مش عارفة تعمل ايه
غير انها جابت النوت بوك بتاعها وفضلت تضرب مع احمد

احمد : اي اي ايه يا نور دي دماغي انا

نور : سوري يا احمد مكنش قصدي بجد

احمد : اخرجي انتي برا وايه الجلم الرصاص اللي بتضربي بيه ده عاد

نور : ياحمد بساعدك

وفجأة

دخل الدكتوووووووووور

الدكتور : في ايه يا ابني انت وهي وهو

احمد : هجطعه

الدكتور : تقطع مين يابني ...احنا في جامعة

احمد : جامعة مش جامعة هجطعه

نور : ايوة اضربه ياحمد

الدكتور : تعالوا برا انت وهي

احمد : لأ والنبي يا داكتور عايز احضر انت مستقصدني عاد

الدكتور : اطلع بقولك

نور : يلا يا احمد

احمد : يلا ايه وزفت ايه ...هو احنا رايحين نتفسح

وطلعوا يا عيني هما الاتنين ولسوء حظ احمد انه برضه محضرش المحاضرة دي كمان

احمد : انا مروح يا نور

نور : لأ خليك اعد معايا شوية

احمد : لأ يا نور انا مروح

نور : انا عايزة اتكلم معاك

احمد : بكرا ان شاء الله نتكلم كتير...ماهو كده كده مش هحضر بكرا برضه منا عارف انك وشك زفت عليا عاد

نور : انت بتحب الماحضرات ليه يا احمد

احمد : انا جاي مصر عشان اتعلم يا نور مش عشان اتنزه

نور : انا عارفه انك انسان مجتهد وعارف مصلحتك كويس

احمد : ربنا يخليكي يا نور

نور : اي نعم انت مش مهتم بمظرك...ومش بتسرح شعرك حلو...بس حاسة انك وسيم اووي وطيب

احمد : ماتجولي معفن احسن يا ست نور

نور : انا مش اقصد خالص

احمد : ولا تقصدي...انا جيت مصر غلط من اساسه دي مش بيئتي ولا دي حياتي

نور : انا اسفة

احمد : انا اللي غلطان عاد....عن اذنك

وبعد ما احمد مشي نور مشيت هي كمان وكانت زعلانة جدا من كلامها معاه ولو انها مكنتش تقصد بس احمد حساس حبتين

نور حاولت تتصل باحمد عن طريق جارته

نور : الو ممكن اكلم احمد جار حضرتك

الجارة : احمد مين يا انسة

نور : احمد جارك

الجارة : اااه تقصدي حمادة ميدو

نور : انتي مسمياه كده

الجارة : هو بيحبني اووي اقوله كده

نور : طيب كويس ممكن تناديه

الجارة : احمد احمد احمد احمد

احمد احمد احمد احمد

احمد : سلام قولا من رب رحيم..اختشي يا ولية على دمك بجى في حد يخبط على حد الساعة تسعه بالليل العشاء ادنت اختشي

الجارة : يووه ايه يا ميدو ..انا خضيتك ولا ايه

احمد : اخلصي يا ست عاوزة ايه مني وليه بتخبطي في وقت زي ده

تليفون عاوزك

احمد : والتليفون عاوزني في ايه

هههههههههههههههه جتك ايه يا ميدو سكر
اقصد حد عاوزك على التليفون

احمد : ابوووووووويا جراله ايه انطجي قولي

لأ لأ ده صوت واحدة

احمد : امي امي اما مالها مالها

الجارة : ده صوت جثة مش امك

احمد : ههههههههههههههههههههههه

احمد : والجثة هتتكلم ازاي يا ام مخ تاخين

تعالى معايا وانت تشوف

احمد : طيب يا وش المصايب

نور سمعت ضحك احمد ويا جارته دي ...وقفلت السكة

احمد : الو الو ...الو الو

احمد : هههههههههههههههههههههههههه

احمد : الجثة مش راضية تنطق...ده باين كده الجثة ماتت

هههههههههههههههههههههههههههههههههه

احمد : سلام يا ام سحلول لما الجثه تتصل تاني جوللها هيا عايزاني فى ايه

وبعد ما نور كلمت احمد في التليفون...وكانت زعلانة جدا لما سمعت
صوت جارته...واحمد مكنش داري بالدنيا ساعتها ...من ساعتها احمد ابتدى يروح الكلية وكان متخاصم مع نور بعد كلمتها الجارحة ليه...؟ انه مش استايل وشعره دايما منعكش....
ابتدا ينتظم شوية في الدراسة لحد ما جت الامتحانات
وده كان اخر يوم في الامتحانات

فى الحلقه الجايه بقى ان شاء الله انتظروني عايزين بقى ردود تاني على شان نكمل بسرعه

ROKAaA the littel angel

عليا الطلاق بالثلاثه المسلسل فظيع يا عمونا
والنبى تانى فظيع
وحيات غلاوتك عندى ياخى مع انى مشوفتكش
نزل المسلسل كله يا اما اول ما تنزل حلقه متسبش فيها فى الاخر كلمتين تشوقنى انى اشوف المسلسل كل يوم
اوكى

المسلسل فظيع جوووووووووووووووووي
ياروكه
وبعدين نزل الحلقات بسرعه متشوقنااااش كده

حاضررررررررررررررر
كل الى كنت اتمنا انك تحبو الموضوع وواضح انو عجبكم
وعلى كل حااال
انا عندى حوالى 22 حلقة يعنى لسة بدرى

كل يوم هنزلكم حلقة Rolling Eyes

وبجد

ليكم على الردود والاهتمام دة

انا هنزل موضوع تانى واتمنى انو يكون مثبت اسمو شجرة عيلة المنتدى
انتو هتحبو اوى

جااااااااااااااااااااااامده يولد الحلقات

رووووووووووووووعه

عايزين اللي بعديها بسرررررررعه
Crying or Very sad

WELCOME

وبعد ما نور كلمت احمد في التليفون...وكانت زعلانة جدا لما سمعت صوت جارته...واحمد مكنش داري بالدنيا ساعتها ...من ساعتها احمد ابتدى يروح الكلية وكان متخاصم مع نور بعد كلمتها الجارحة ليه...؟ انه مش استايل وشعره دايما منعكش....ابتدا ينتظم شوية في الدراسة لحد ما جت الامتحانات وده كان اخر يوم في الامتحانات

احمد بيكلم واحد صابه عن الامتحان

احمد : امتحان ممتاااااااز سهل ميا

صاحبه : حرام عليك..ده انا مكتبتش حرف

احمد : ليه جلمك اتجصف ولا ايه

صاحبه : لأ يابني الامتحان مليان

احمد : بوي ..مليان ايه انت هتجنني

صاحبه : في ايه دلوقتي

احمد : انت طلعت اول مسألة كام

صاحبه: محلتهاش

احمد : والتانية

صاحبه : 100

احمد : دزمه

احمد : طب والتالتة

صاحبه : 2000

احمد : بردو دزمه

يوووه صاحبه :

احمد : طب والرابعة

صاحبه : محلتهاش

احمد : يا دزمه هما تلاتة بس يابو مخ تاخين متجلش متقلجش هتسقط

صاحبه : انت اعد ولا هتسافر البلد

احمد : لأ هسافر انا مش ليا حد هنا

ولسة بيدور وشه....قرب عليه الملاك نور...وبصوت رقيق

نور : يارب تكون حليت كويس

احمد : ايوة الامتحان كان ممتاز

نور : لسة زعلان مني

احمد : وهزعل منك ليه...احنا بيننا ايه عاد

نور : مفيش عادي بسألك ..انت ليه دايما عصبي

احمد : على فكرة انا لو مجبتش امتياز هيكون بسببك

نور : ليه بس...انا السبب

احمد : فاكرة الكام محاضرة اللي اتطردت فيهم بسببك

نور : هههههههههههههههههههههه

احمد : هههههههههههههههههههههههههههه

نور : وحياة اغلى ما عندك مش تزعل مني

احمد : طمنيني عملتي ايه في الامتحان

نور : بليز يا احمد متزعلش مني اسفة بجد

احمد :ما خلاص عاد

احمد :وحشتيني قوي

نور : انا ؟

(احمد: وحشتيني يا اما ( امي

نور : هههههههههههههههههههههههه

احمد: مالك اتخضيتي لما قلت وحشتيني

نور : وانا هتخض ليه

احمد : اسألي نفسك

نور : هه ظريف

احمد : امسكي نفسك شوية يا بت

نور : هههه خفيف انا اصلن مش اتخضيت ولا حاجه عادي

احمد : مش ملاحظة حاجة عليا

نور: لأ بس شايفاك مبسوط عن قبل كده الحمد لله

احمد : لأ لأ حاجة في شكلي

نور : الراجل مش بشكله

احمد : اااااااه والله....بعد ايه ...مش كان شعري متنعكش ومش بيتسرح

نور : انا مكنتش اقصد ...كنت بهزر معاك

احمد : اااااااااااااه بعد ايه بقى بعد ما جبت علبة كريم بامبرز ب 25 جنيه

نور : ههههههههههههههههههههههههه اسمه بالمرز

احمد : ايوة امسكي في التفاهات دي...يعني شعري وحش

نور : جميل

احمد : بجد

نور : جميل راتب ده ممثل ممتاز

احمد : ااه يا رخمة

نور : هههههههههههههههههههههههههه

احمد : انا هسافر اسبوعين وجاي تاني

نور : ليه كده خليك هنا

احمد : هستنى ليه

نور : نروح شرم الشيخ مع الجامعة

احمد : رحتها كتير كفر الشيخ

نور : شرم شرم

احمد : بتاعت البنات الى من غير هدوم دي

نور : بس ياض عيببببب

احمد : في ايه هو انا اللي باخد الهدوم منهم

نور : خلاص بقى رد عليا عشان نروح ..اتصل بيا

احمد : ان شاء الله

نور : اوكي اشوفك على خير

احمد : كنت عايز اقولك حاجة مهمة اوووي من زمان

نور: ايه هي يا احمد قول قول

احمد : مش مسامحك على المحاضرتين اللي محضرتهمش بسببك

نور : مع السلامة يا احمد

احمد : سلام يا نور

وهو مروح بقى......عليا الطلاج لهروح الرحلة ....عاوزين نغير دو بقى
وبعد ما احمد خلص امتحانات هو ونور وقرر انه يطلع الرحلة وكان ميعاد الرحلة اتحدد ونشوفكم على خير الحلقه ومش هوصيكم بالردود بقى تاني على شان نخلصها على خير وبسرعه

ROKAaA the littel angel

بجد يا روكا انت طلعت فظيع عرفت تنقى فى المسلسلات
بجد المسلسل فى غايه من الروعه
ربنا يباركك

الله الله ياااااسيدي
انا مبجدش اقدر متفرجش علي المسلسل يوميااااا
ااوع تحرمنا يااااااااررروكااااااااااا

عاوزين نشوف الدزمه احمد ده اخره ايه

هاااااااااااااااااااا

ميرسي تاااااني ياااااروكاااااااااااا

مش تتأخر

يا عم حازم دة بس من زوقق
المهم بقى تدخل وتسجل اسم ف شجرة عيلة المنتدى

ROKAaA the liTTel angel

8) و

يا يوستينا

عاوز اشوف اسمك فشجرة المنتدى

ROKAaA
the liTTel angel[/size][/size][/size]

[ندعوك للتسجيل في المنتدى أو التعريف بنفسك لمعاينة هذه الصورة]

الحـــلــــقة الـــســـابــعــــة

وبعد ما احمد خلص امتحانات هو ونور وقرر انه يطلع الرحلة وكان ميعاد الرحلة اتحدد

نور : هو احمد اتأخر كده ليه

ريم : انتي مالك مش على بعضك ليه

نور : وانتي مالك

ريم : مش عارفة مهتمة بواحد زي ده ازاي

نور : ملكيش دعوة بقى

ريم : صحيح عملتي ايه في العريس اللي اتقدملك

نور : رفضته طبعا..انا لسة مش عاوزة ارتبط دلوقتي

ولسة الاتوبيس هيتحرك كان احمد وصل ونور تنفست الصعداء

احمد : ايه يا جماعة انتوا كنتوا مستنيين حاجة ولا ايه

ريم : ابدا كننا مستنيين القطر

احمد : هو احنا هنسافر في الاتوبيس ولا الجطر

ريم : يااااربي

نور : ههههههههههههههههههههههههه جامدة دي يا احمد

احمد :اي خدمة يا نور ابقي تعالي كل يوم

نور : اجي فين

احمد : لا لا متاخديش في بالك

والكل ركب الاتوبيس وفجأة احمد بيطلع من شنطته طبلة كبيرة

وشغال ضرب عليها لحد ما وجع دماغ الناس كلها والكل زهق منه

احمد : ايه يا رحلة فقر مالكم ساكتين ليه محدش بيرجص ليه هطبل وهرجص في نفس الوقت ولا ايه

نور : ابدا يا احمد بس الطبلة صوتها عالي اووووي

احمد : مانا عارف ان صوتها عالي...مكنتش اعرف انها هتضايقكوا كده

نور : عامة انا مش مضايقة انا مبسوطة بيها

وفجأة احمد بيطلع من شنطته زمارة كبيرة بتاعة الفرق الشعبية

وفضل يوجع دماغ الشباب كلهم بأصوات الالات الموسيقية الغبية دي

وفضل على هذا الحال لحد ما وصلوا

احمد : يا بووووي يا جدعان المنطجة هنا جامدة جوي جوي

نور : انت اول مرة تيجي هنا

احمد : لأ جيت قبل كده ايام الحرب

نور : حرب ايه يا احمد ..هو انت حضرت حروب

احمد : هو احنا هنروح امتى يا نور

نور : يعني لسة اسبوع...انت زهقت ولا ايه

احمد : لا لا خالص بس انا مجبتش اكل كفاية

نور : احمد اكل ايه بس هنا الاكل اوبين بوفيه

احمد : يعني ايه

نور : يعني تاكل اللي انت عايزه

احمد : يالهوي ياجدعان دنا ههيص جوي جوي

نور : انا هطلع اغير بقى

احمد : اوعي تجولي هتلبسي المايوه بتاع العريانين ده بتاع البحر

نور : هههههههههههههههههه ايه يا احمد ده بس

احمد : صدجيني معرفكيش تاني

نور : انت هتنزل البسين بأيه ...معاك ماييوه

احمد : لأ انا ابويا جايبلي ترننج من السعودية هنزل بيه

نور : مينفعش يا احمد

احمد : بجولك من السعودية ..جامد جوي جوي بجولك

نور يب يلا نفطر بقى عشان جعانة

احمد : انتي على طول جعانة كده

نور : ههههههههههههههههه انا بحب الاكل اوي

احمد : انا اخر حاجة افكر فيها الاكل

نور : يعني مش هتفطر

احمد : في مش وخيار وعيش بلدي

نور كانت عاوزة تقوله ده عند الحجه الكلام ده

اول لما عرف احمد ان الاكل ببلاش قال انا جعان اوي اوي يانور

احمد : كل ده اكل يا نااااااااااس ...هيخلص امتى ده بس

نور : كل على اد ما تقدر يا احمد

احمد : عليا الطلاج انا هاكل وكل لحد ما افرجع كده

نور :انا طالعة اغير ونازلة

احمد : تغيري ايه بس يا شيخة بصي على نفسك في المراية وشوفي الولية دي

يابووووووووووووووي انا لازم اروح اتعرف عليها دي لابسة استرتش جاامد جوي جوي

ووووووووونشوووووووفكم الحلقة الجاية
يلا كفايكم كدا ظبطكم بما فية الكفايه

ROKAaA the littel angel

ROKAaA the littel angel

يتبع
[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههههه
يخرب عقلك يا روكا كل حلقه وحلقه بتبقى افظع من اللى قبلها

[ندعوك للتسجيل في المنتدى أو التعريف بنفسك لمعاينة هذه الصورة]
دايما بتحرجنى يا حاازم الوردة دى بقى عشانك

وعلى ما انزل الحلقة رقم 8

خد الموضوع دة ويا رب يعجبك

بعنوان انا مش مدبببب

رومـانسيـة هي لازم تفهم اني مش مَدَبّ
كنت جالس بجوار صديقي على المقهى
امسك الشيشة بيد و اشيح بالاخرى في وجهه
انا مش مَدَبّ.. انا مش عارف هي جابت الكلام ده منين؟
اهدى بس -
كل ما اقولها حاجة.. تقولي انا مَدبّ.. حمارة مبتفهمش في المشاعر
احكيلي ايه الي حصل -

قاعدين في الكافيه
قاعدين على ترابيزة مدورة وهي قدامي
قولتلها أديني جايبك حتت نضيفة اهه ماروحتيهاش قبل كده
طلبنا برتقان و موكاهازلنت.. وبكلمها يا عم وعمّال اقولها الكلام الكبير بتاع المشاعر
و هي غاية في الغباء
عمال المّح لها و اقولها انا بتصل بيكي كتير وبكلمك كتير.. و بسأل عليكي
لكن مش معنى كده اني مهتم بيكي
انا بعمل كده مع الناس كلها.. علشان انا مهتم بالانسان مش بيكي انتي بس
علشان تفهم اني اجتماعي
و هي آخر غباء
اقولها انها تخنت والمفروض تقلل من البيبسي وتبطل أكل شوية بالطفاسة اللي هي فيها دي علشان تفهم اني مهتم بيها وبرشاقتها و خايف عليها من كتر الاكل
و هي آخر حمورية
أقولها حاولي تلبسي لنسيز علشان النظارة دي مبيناكي عجوزة ومش حلوة على وشك وخصوصا انه مش حلو قوي
علشان تفهم اني باخد بالي من التفاصيل

اقولها ان بعض تصرفاتها مش عجباني و انها بترغي كتير في الموبايل
تقولي: ما انا بكلمك برضه
اقولها ماهو ده قصدي.. انتي بترغي وبتكلفيني كتير في الفاتورة
علشان تفهم اني مدبر واقتصادي
و هي آخر جهل
لما جه الشيك علشان ندفع
كانت حاتدفع فأخدت منها الشيك وقولتلها انا اللي حادفع
وضحكتْ وقلتلها مافيهاش حاجة لما أدفع ده كمان.. ما احنا المرتين الي خرجنا فيهم انا اللي صرفت عليكي
علشان تفهم اني جدع معاها
و هي نازل عليها بغباء
قعدت تحكي في القراءة والثقافة
و انت عارف محسوبك تقيل في الحاجات دي
لغاية ماقالتلي على الكاتب اللي بتقراله دلوقتي ومدى حبها ليه وبكتاباته
قولتلها انه حمار واللي بيقروله بهايم
علشان تفهم اني مثقف وداري بما يدور في الساحة الثقافية
ومطلع على جميع الكتاب و الاصدارات
ولا حياة لمن تنادي

دفعنا الشيك و خرجنا
سيبتها عند الباب ولما قالتلي مش حتوصلني
قلتلها لأ طبعا
سيبتها في الشارع و ركبت العربية ومشيت
علشان تفهم اني مش مدلوق عليها
حلو لحد كده يا عم؟

عاطفة و اشواق وحب من الأصلي
هي دي الرومانسية
شوف بقي غباوتها اللي جايه

قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز
و انها هي الكسبانة والموضوع حيقع عليّ بخسارة
كلّمتها وقلتلها الكلمتين

قالتلي اني ظريف وطيب بس هي عايزة واحد رومانسي
ضحكتْ و قلتلها انتي حمارة بقى.. ههههه.. كل ده ومش رومانسي
انتي لازم تعملي اختبار ذكاء.. ههههه.. غباء غريب
دا انا وديتك اماكن ماروحتيهاش وصرفت عليكي
دا احنا مثقفين زي بعض وبلاش كده
و كلمتلك عن وشك وجسمك يا تخينة.. هههههه

عجبتني قوي اخر جملة دي.. رحت عدتها تاني
سكتتْ كتير
و قعدت أقول: الو الو الو.. ومحدش رد
قفلت واتصلت بيها ومحدش رد

وفي الاخر البني آدمة تبعتلي مسج تقولي

انت مدب.. مدب.. ومبتحسش.. انت مدب.. مبتفهمش
شفت اخرتها
انا مدب
بنت .. مبتفهمش.. مبتفكرش

.. قولي
في حد كده

هههههههههههههههههه
يا ابنى انت من الاخر فظيع
ايه دا كله
انا نفسى اعرف بتجيب الكلام دا منين
انا مستنى منك الجديد اوكـ

اوكىى يا حاازم كلها ثوانى وهنزلك مواضيع
فى قسم النكت دة
بس انت ابقى اقراهم اوكى

ميرسى ياروكا بجد موضوع
روعة اووووووووى
ربنا يبارك حياتك

مث معقول ميرنا بنفثها

سابت رد على الموضوع بتاعى
حثلنا الثرف يا ميرنا

ايــــــــــه الحــــــــلاوه دي يا روكـــ،ـــــــــــــــــــــــــــــــا

كل حلقه بتبقي احلي من اللي قبليها .. مش عارف اقولك ايه ... بجد حلووووووووين

ربنا يبارك حياتك
:silent:

من عنيا

[ندعوك للتسجيل في المنتدى أو التعريف بنفسك لمعاينة هذه الصورة]

WELCOME

أحمد شاف الست ام استريتش اتجنن عليها راح رايح وراها

واختفى من قدام نور فى ثوانى

أحمد: ايه يا وليه الاسترتش الدامد ده وايه الشياكه دى كلها

الست: ايه الاشكال البيئة دى

أحمد: بيجة ؟ طب والله انتى اللى بيجة ومعفنة كمان وريحتك منتنه وشكلك من اللى بيستحموا من العيد للعيد

الست: تصدق بقى لو مسكتش انا هندهلك اللى يعرفك شغلك كويس

أحمد: ههههههه هتندهى مين يعنى بالكلسوم اللى انتى لابساه ده

الست: لا دا انت قليل الادب ومش متربى وعايز اللى يربيك .. وبعدين ايه الى انت بتقول عليه ده انت فين هنا

أحمد:اه جولى كده بقى ان انتى من الاول عايزة تعرفى معناها وعماله تتوهى فى مواضيييييع تانيه اه يا لجيمه

الست:يا تااااااااامر يا أدهاااااااااااااااام

أحمد: يطاعوا مين ان شاء الله سى تامر وسى ادهم دوووول ولادك العفاريت الصوغنانين ولا الكلاب البلوكسر بتوعك

الست: بلوكسر ههههههههههههههههههههههه

أحمد: بتضحكى على ايه يا وليه دلوجيت

الست: ( انا ولية ) انا هعرفك دلوقتى على قلة ادبك والسفاله اللى انت فيها دى

أحمد: طب والله انتى بوج على الفاضى

.. بسم الله ماشاء الله على تامر وادهم وهما رايحين لمامتهم كل واحد فيهم عامل زى السوبر جيت ..

تامروادهم: ايوااااااا يا ماما كنتى بتندهى علينا

الست: ايوه ياحبايبى الكلب ده كان عمال يقل ادبو معايا وقال عليكوا انكوا عفاريت صوغنانين وكلاب بلوكسر

تامروادهم: انت قولت كده علينا يااااااااااااه

أحمد: عليا الطلاج ما حصل الكلام ده يا عم البلدوزر انت وهو كل اللى حصل انى كنت بجولها الساعة كام يا هانم

مامت تامر وادهم بتوجه الكلام لأحمد بس بحنيه زى ما انتوا عارفين احمد وسيم وبيتحب بسرعه

الست: هانم اه يا كداب دى عمرها ما طلعت من بؤك خالص ليا يا عديم النظر
وكمان يا حبايبى كل شوية يقولى يا ولية

تامروادهم: احنا ماما يتقالها يا ولية دا انت هتموت النهارده

أحمد: يا رداله استنوا بس كده واهدوا طب انا هجول ايه اللى حصل

تامروادهم: واحنا هنستناك لما تحكيلنا ايه اللى حصل يا عم الكتكوت وبعدين ايه برطمان الكاتشب اللى انت واقع فى ده حد يلبس بنطلون احمر

أحمد: لو سمحت يا أخ متقولش كتكوت دى وبعدين انت عندك عمى الوان ولا ايه

تامروادهم: انت كمان بترد على اخويا دا احنا هنعملك شمسية

أحمد : يااااااه عليكوا هو الواحد ميعرفش يهزر معاكوا كده اااابدآآآآ

نور: أحماااااااااااااااااد

أحمد: ايوم يا نور انا هنا واقف مع ناس صحابى

تامروادهم: صاحبك مين دول ياااااه دااحنا هنفرمك دلوقتى

أحمد: لأ والنبى يا كابتن اصلها الحته بتاعتى ومش عايزها تشوفنى وانا بتفرم

نور: ايه يا احمد انت اختفيت مرة واحدة كده ليه وجريت ورا الست اللى كنت بتقول عليها وليه
هههههههه

وعملت ايه معاها بقى يا سيدى فى الاخر ... بس انا زعلانه علشان تسيبنى وتقوم تجرى وراها كده

أحمد: طب بجولك ايه دلوجتى اجرى انزلى البحر شوية وانا هحصلك

نور: لأ انت بجد عملت معاها ايه ومش تعرفنا على صحابك . انما انت مقولتليش انك ليك صحاب هنا

أحمد : ما اصل انا لسه متعرف عليهم دلوجتى

... ام تامر وادهم كانت بتجيب حاجه ورجعت لهم تانى

نور : الحق يا احمد الست ام استريتش اللى كنت بتقول عليهها جايه هناك اهيه

تامر وادهم بصو لاحمد اوي وكانو هيكلوه بعنيهم

أحمد: يا بت اجفلى خشمك ده بدل ما اقطعلك لسانك

ونشوفكم الحلقه الجايه ان شاء الله مع مغامرات احمد ونور

ROKAaA the littel angel

يتبع
[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههههههههه

يخرب عقلك يا روكا بجد انت فظيع

يا ابنى ما تريحنا وتريح نفسك ونزل المسلسل دا كله على بعضه

[ندعوك للتسجيل في المنتدى أو التعريف بنفسك لمعاينة هذا الرابط]

دة بعدك يا حااااااازم
تاعبع حلقة بحلقة
يا كميل

ايوة صح يا روكا عشان لو نزلو مره وحده مش هيبقالهم طعم ولا اشتياق زي كده

ميررررررررررررررررررررررسي