غرفة الدم ... !!!!!!! ?????

غرفة الدم

ديه اوضة فوق سطوح بيت ناس طيبين

الاوضة ديه مقفولة محدش بيدخلها

اطلقوا عليها من زمان غرفة الدم

بيقولوا سكناها العفاريت

لغايت مقرر فى مرة صاحب البيت انه يدخل الاوضة ديه

وكان فى اليوم ده ولاده الاربعه مجتمعيين

فحكالهم انى فى واحد هيدفع فلوس كتيرة اوى علشان يلاقى اوضة يسكن فيها

وهما معندهمش غير غرفة الدم

فقالهم الناس بتقول فيها عفاريت

بس احنا لازم ندخلها علشان منضحيش بالفلوس ديه

احنا محتاجينها

وطلع الابن الاكبر للغرفة

وهو جوه نفسه بيقول انا قوى حتى لو فى عفريت موش هيقدر عليا

وهو ولد ضخم جسمه كبير وبيشيل حديد

ونزل وهو مرعوش ووشه كله دم وجسمه كله دم

وقاعد فى ركن فى اخر الاوضة بيترعش

والاب مسكتش

راح بعت الابن التانى والابن التانى بيقول جوه نفسه انا هعرف اخد العفريت بالحكمة

وبعد دقيقيتين نزل الابن التانى هدومه مقطعه ووشه مليان دم وبيترعش وقعد فى الركن التانى للاوضة مرعوش ومبيتكلمش

وطلع الابن التالت وهو بيقول انا هحب العفريت وهعرف اخليه يحبنى وكمان هنبقا اصحاب

ولكن بعد شوية نزل بيتنفض من الرعب ووشه مليان دم وهدومه مطقطعه وقعد فى الركن التالت للاوضة بيتنفض من الرعب

والابن الرابع مش يسكت لا

اللك انا سنى صغير وجميل يعنى اول مهيشفنى العفريت هيعجب بيا جدا ومش هيهون عليه يشوه جمالى

ونزل الابن الرابع زى اخواته التلاته

والاوضة بقيت مليانه بالدم

منهم اللى اصابه الخرس

ومنهم اللى قعد يصوت

ومنهم اللى استخبى تحت السرير

ومنهم اللى قعد يعيط ويترعش

القصه ديه حقيقيه

وبتحصل كل يوم عاوز تعرف مكان الاوضة فين

يمكن تحب تروح

الاوضة ديه حياة العالم اللى انت اختارتها

اعتمدت فيها على قوتك وحكمتك ومشاعرك وجمالك

ودخلتها بقلب جامد معتمد بس على ذاتك

وقطعك فيها الشيطان وبهدلك اخر بهدله

بعدها صوت ومحدش سمعك

بكيت محدش مسح دموعك ولا شافاها

استخبيت من نفسك ومن ربنا ومن مواجهه الاحداث

واصابك الخرس وفقدت القدرة على الكلام

محدش من الاخوة الارعه فكر ياخد فى ايده حاجه يدافع بيها عن نفسه مع العفريت

خد عصايه ولا ميه ولا حتى كبريت ولع فيه

فدائما بننسى

إذ أسلحة محاربتنا ليست جسدية، بل قادرة بالله على هدم حصون

كورنثوس التانية اصحاح 10

انت موش شايف العفريت ولا عارف قدراته

ادخل ومعاك اللى يقدر يشوف العفريت ويرميه تحت قدميك

ادخل العالم مستخبى فى عباية ربنا ماسك بايده بتتفرج على الدنيا وانت بتشوفها بعنيها

شوف بولس فى اخر الاصحاح قال ايه

لا لنفتخر بالأمور المعدة في قانون غيرنا

وأما: من افتخر فليفتخر بالرب

لأنه ليس من مدح نفسه هو المزكى، بل من يمدحه الرب

موش لازم تعمل اعمال بطولية قدام الناس ولالازم تمشى زى الناس

الناس هتحسبها سلبية او جهل او ضعف انك ماشى مع ربنا

هيقولوا عليك موضه قديمة مش مهم

بس المهم اللى يكسب فى الاخر

لاتدع ابليس يسلب حرتك وفرحتك ويملء قلبك بالخوف ويجرحك ويخرسك

على فكرة كل الكلام والقصة ديه طبعا كلام تاليف فى تاليف

بس لو بصيت للمعن الحقيقى هتلاقيها واقعيه مليون فى المية

من افتخر فليفتخر بالرب

منقول

من افتخر فليفتخر بالرب

شكرا

ا شرين
الرب يباركك

إذ أسلحة محاربتنا ليست جسدية، بل قادرة بالله على هدم حصون

موضوع رائع جدا شيري
ميرسي لمجهودك الرائع