حاولت اعيش بدونك

--------------------------------------------------------------------------------



يسوعى...حاولت اعيش بدونك لقيتها حياة.. متساويش غير الهم وخوفى اللى مالينى والمى اللى ساكننى والخطية مبلاقيش.. والقلق دة عايش دايما" جوايا مبيمشيش ومرارة نفسى لحظة مبتفارقنيش...
ف بعادى عنك يا الهى هى دى الحياة أحزان.. أوجاع واه, اه اه يا نفسى من اللى حصللك ف طريق مشيتيه وانا اللى رسمته يوم وكنت شايفه ملون وردى ونهايته توصل هناااك هناك فوق عند النجوم...اتاريه طريق عتمة بتنوره الغيوم!!
وانا ماشى عمال بتجرح ولا قادر اقول اه لسجانى ولا قادر حتى من قلبى اصرخ ما انا اللى على نفسى جانى...هو صوتى اتكتم جوايا يا ناس؟؟ ولا طلع ومحدش بيه حاسس ولا لصراخى سامع ولا لدموعى شايف؟؟ولا انا خلاص يا نفسى فقدت بيكى الاحساس؟؟
وانا وسط حزنى ودموعى ومحاولتى مغالبة دموع قلبى مش عيونى لقيتنى برفع عينيا عنده فووووق بصيت له وقعدت اناجيه يا ترى يا ربى طريقى ده له رجوع؟؟ولا دى سكة ضياع ملهاش طريق ندم ولا سكة رجوع؟؟؟
لو ردك عليا كان ايوا مفيش قبول وبعد اختيارى اتحمل الجراح واستحمل طريق انا اخترته ولنفسى يوم رسمته وعمرى بحاله فيه راح ...
صدقنى يا ربى مش هكون منك زعلان ولا هلوم عليك ابدا" كمان...لانى انا اللى بعت وانا اللى خنت زمان وهيبقى دة تمن خيانتى وبعدى ...الجوع والضياع ومن حبك وحنانك الحرمان منا اللى مقدرتش اقول لأ لخطيتى ولااقول لا لسجانى..و رسمت طريق هلاكى بايديا وكنت انا اللى على نفسى جانى.....لكن ياربى ف وسط العتمة اللى حواليا ودموعى المرة اللى مالية عينيا شفتك جاىمن بعيد وقربت منى كمان ضمتنى ... خدتنى ف حضنك مليتنى بالامان وجودى جنبك رد لنفسى السلام.....
يا ابويا بعد اللى شفته منك من حب وحنان فاق الوصف فاق قدرتى كأنسان مينفعش بقى ارجع تانى لطريقى الاولانى او ارجع لسجانى واكون يوم عليكى يا نفسى تانى جانى...