يا ترى انتا ليه مش بتصلى ؟؟؟؟؟؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]

يا ترى ليه مش بتصلى ؟؟؟

انت عارف يعنى ايه مش بتصلى يعنى قطعت الصلة اللى بينك وبين ربنا .

الموضوع مش بسيط .....

على العموم تعالى مع بعض نحاول نعرف انت ليه مش بتصلى

1-هل تقدر تعيش من غير ربنا !!! .... صعب – مستحيل – مش ممكن.

2- ولا محبتك ليه قلت ؟؟؟ وان كانت قلت فعلا طاب قلت ليه العيب فيك ولا فيه (حاشا يارب ) .

3- طاب يمكن مش حاسس بانى الصلاة ليها فايدة ؟ يعنى بمعنى اصح مش شايف مصلحة شخصية من ورا الصلاة ... وبكدة يا حلو يبقى علاقتك بربنا علاقة مصلحة مش علاقة حب .

4- ولا يمكن تقول عشان معودتش نفسك على الصلاة ؟؟؟ بالرغم انك بتقدر تجبرها انها تتعود على عادات تانية كتيييييير.

5- واخر حاجة ممكن تقولها انك مش لاقى وقت تصلى !!!!! وانت بتقضى وقت كبير فى حاجات ملهاش لازمة او حاجات اقل اهمية من الصلاة ( وكفاية الوقت اللى بتاخده قدام الكمبيوتر ) ثانيا هى الصلاة يعنى هتاخد ايه .

ومن كل ما سبق ينتج ان

انت مش بتصلى عشان محبتك لربنا قلت وده كان لازم يحصل وعلى راى المثل البعد يولد الجفا يعنى هتحب ربنا ازاى وانت بعيد عنه ومفيش علاقة تربطك بيه هتشوف ربنا ازاى وانت قصير والجموع كتير حواليه.

طاب والحل ايه !!!

الحل انك لازم توجد علاقة بينك وبين ربنا ....لازم تتعلى وتتسلق الجميزة زى زكا عشان تشوفه وهو وسط الجموع , واول ما هتطلع وتشوفه هو كمان هيشوفك مش كدة وبس ده كمان هيمكث عندك فى بيتك وفى قلبك وفى حياتك .

ياريت كلنا نصلى

الصلاة هى اللى هتوصلنا , الصلاة هى اللى هتعلينا , الصلاة هى اللى هتقرب يسوع لينا.