يا رب نفسى احكى معالك........

[ندعوك للتسجيل في المنتدى أو التعريف بنفسك لمعاينة هذه الصورة]
رب نفسي احكي معاك ,,, عايز افضفض وياك واشكى ليك همى

يارب نفسي احكي معاك

نفسي اكلمك واسمعك بتكلمني

انا تعبت يارب ومحدش حاسس ولا بيفهمني

قلبي حزين قوي يارب عارف ليه

علشان جرحك وخانك وباعك بارخص الاتمان

انت عارف انا قد ايه بحبك ومش عايز اجرح قلبك الحنان

بس ضعفي تعبني كسرني خلاني مش انسان

ياما قلت هرجع خلاص ياما وعدت اني اتوب

يوم واتنين وارجع تاني اخون واجرح في غافر الزنوب

في حد يحب حد ويجرحه في حد يحب حد ويدبحه؟

فاكر زمان ايوا زمان كنت في حضنك متشال

كنت حاسس بالامان والسلام والحزن ده في قلبي ملوش مكان

من يوم ماسبتك والحزن بقى عنواني ودموعي ملزماني

نفس ارجع لحضنك تاني نفسي ارتاح

تعبت ربي من الخطية والنواح

مد ايك يارب وانتشلني انا في بحر من الخطية بيغرقني

وانا ضعيف يارب ومجدافي مكسور ومفيش حد بينجدني

انا سامع صوتك من بعيد عمال يندهني

كلي امل انك في يوم هطلعني وتنقذني

نظرو اليه واستناروا ووجوههم لم تخجل

انتظر الرب فليتشدد وليتشجع قلبك وانتظر الرب