انتى تانى ..هاسيبك يعنى هاسيبك

[ندعوك للتسجيل في المنتدى أو التعريف بنفسك لمعاينة هذه الصورة]

قالتلى : انت مش هاتقدر تسيبنى انت بتحبنى ...
لا دة انت بتعشقنى

رديت : بيتهيقلك ... انا بكرهك .. بكرهك

قالتلى
: بدليل كل ما بتسيبنى بترجعلى تانى ؟

رديت : هانجح صدقينى ..
هانجح و هاعرف اتخلص منك

قالتلى : لوحدك مش هاتقدر

رديت : و
مين قالك انى لوحدى ؟

قالتلى : لو معاك حد مكنتش وقعت و روحت و جيت و
جيت و روحت

رديت : انا معايا اقوى حد فى الدنيا دى كلها

قالتلى
: اقوى حد فى الدنيا ؟ القوى مايتصلبش

رديت : القوى اتصلب علشانى و
هاصلبك و هاصلب اى حاجة تضايقة

قالتلى : فى اسبوع الالام وقفت قدام
صورتة و قولت " لا مش هارجع تانى يا يسوع . مش هابعد تانى يا ربى عنك " و
لفيت الايام و اسبوع و رجعتلى تانى ... مش بقولك بتعشقنى بزمتك مش مكسوف من
نفسك ؟

رديت : انا صحيح بقع و بقوم و بروح و برجع لكن انا عارف ان
ربنا يسوع بيحبنى و مش هايتخلى عنى رغم كل الخطايا اللى انا بعملها

قالتلى
: تعرف انا لو مكانة كنت سيبتك من زمان

رديت : هو مبيزهقش منى و مش
هايسبنى

قالتلى : و انا مش هاسيبك انا بحبك و انت مش هاتقدر تستغنى
عنى .. انت ملكى انا

رديت : هاسيبك .. صحيح انا واقع دلوقتى لكن
هاقوم من جديد و هحاول بكل ماقدر

قالتلى : سمعت من الكلام دة كتير

رديت
: قوينى يا يسوع خلينى اقدر ابعد عن الخطية اللى بتضايقك دى ... راجعلك يا
يسوع و مش هاشمت بيك اى خطية هارفع اسمك و هحاول اكون على صورتك

و
فجأة سمعت صوت هادى حنون بيقول :

" انا معاك وواثق فيك و عارف انك
تقدر ترجعلى ... انا جيت علشانك و عارف قد اية ضعفاتك ... و مستنيك بكل
اللى فيك و انا قادر اخليك ترجع زى الطفل من اول و
جديد فى برائتك و
ايمانك "

بعد ماسمعت الكلام دة ماسمعتش صوت الخطية تانى ... الخطية
اللى مغلبانى .. الخطية اللى جة يسوع و اتصلب علشانها و عشانى

***********************************************

انتى
اللى قلبى حبها وكنت بعشق قربها كنت فاكر مستحيل ابعد ثوانى عنها

انتى
اللى ياما ملت لك انتى اللى ياما قولتلك بعشقك انا بعبدك
وانتى حياتى
كلها

انا عنك استغنيت ولحد تانى هويت على عشرتك ندمان مبقاش فى قلبى
مكان
تعيشى فيه

ياخطيتى

دا يسوع اللى ملكنى وشدنى ده
اللى صحيح بيحبنى ومحبته لا أخرها ويل ولا تعاسه تهدنى

وأن مره قلبى
حن لك هبعد واسيبك وأهملك لحد ما فى يوم هقتلك ولغير يسوع مش هنحنى

انا
عنك استغنيت ولحد تانى هويت على عشرتك ندمان مبقاش فى قلبى مكان
تعيشى
فيه

ياخطيتى

رديت : انا صحيح بقع و بقوم و بروح و برجع لكن انا عارف ان
ربنا يسوع بيحبنى و مش هايتخلى عنى رغم كل الخطايا اللى انا بعملها



رائع يا شيرى

ربنا يعوض تعب محبتك

[ندعوك للتسجيل في المنتدى أو التعريف بنفسك لمعاينة هذه الصورة]
موضوع جامد يا شيرى منتظرين المزيد