بتعيطى ليه ؟

[ندعوك للتسجيل في المنتدى أو التعريف بنفسك لمعاينة هذه الصورة]

بتعيطى ليه ؟

يحكى
ان كان هناك كاهن فى مدينة ملوى منذ حوالى اربعين سنة قد مضت كاهنا تقيا
يدعى ابونا دانيال وكان رجلا بسيطا يخدم كنيسة العذراء وبينه وبينها دالة
قوية ويقف امام صورتها ويكلمها بحب يثير انتباه الناس

وكان منزله امام كنيسة الاخوة البلموس (طائفة بروتستانية ) ويذكر انهم اكثر الانواع تشددا

وفى
يوم كان ابونا البسيط خارجا من منزله كان وقتها الصوم الكبير فقابله احد
رجال اعضاء الاخوة البلاميس فبادره ابونا القمص وقال له : مش تيجى يا ..
يا ابنى علشان تتناول وتاخد جسد الرب ودمه؟!

فقال الرجل : انا
مستعد اجى عندك واتناول زى ما انت بتقول ولكن لى شرط انا النهاردة طابخ
فرخة تيجى عندى البيت تتغدى معاى !! وحاول ابونا القمص دانيال ان يوضح له
ان الصوم الكبير لا تؤكل فيه الفراخ ولكن الرجل قرر اذا ابونا اكل معاه من
الفرخة يروح كنيسة العذراء يتناول
وامام اصرار الرجل ذهب ابونا
دانيال واكل من الفرخةبرغم الصوم .. ثم ذهب الى الكنيسة كالعادة وركع امام
الهيكل وذهب الى ايقونة العذراء لياخذ بركة فوجد ان العذراء فى الايقونة
تبكى وينزل من عينها دموع
فاخرج منديله وجلس تحت الايقونة وبكى وسأل
العذراء وهو يبكى قائلا : بتعيطى ليه ؟ انت زعلانة علشان انا اكلت ورك
فرخة ولكن ماتزعليش منى انا جبت لابنك خروف كان هايهلك كان هيروح جهنم
بلاش تعيطى ارجوكى

ومد منديله المحلاوى الكبير ليجفف دموع العذراء التى تسيل على الايقونة وهو يقول خلاص خلاص سامحينى ابنك بيفرح بالخروف الضال ..

ولعلنا يا اخوتى نتذكر هذه القصة ايضا حدثت مع نيافة الحير الجليل المتنيح الانبا صرابامون ابو طرحة

فنفهم من ذلك يا اخوتى بان الرب لا يترك اولاده ضائعين بعيدين عن حضنه وعن بييته فيبحث عنهم باى وسيلة مهما كلف الامر

فياالهى ما اعظمك يا الهى فانت لا تترك الخاطىء يموت بخطيته ولا تشاء موته مثلما يرجع ويحيا فى حضنك وبيتك متمتعا باسرارك المقدسة

بركة صلوات امنا العذراء الحنونة تكون مع اولادها وتشملهم جميعا