يهمني ويهمك ويهم كل واحد فينااااااااا ؟؟

الحوار ده دار بينى وبين نفسى :
.
.
.
.
- انا دمى محروق ومتنرفز ومتضايق

- بس دى تبقى خطيه

- يعنى هو الى بيحصل ده يرضى حد

- انت مسيحى اذن انت مضطهد والمسيح قال سيكون لكم فى العالم ضيق

- وقال بردو ( ثقوا ) انا قد غلبت العالم
وبعدين يعنى اقعد حاطط ايدى على خدى واسكت على اللى بيحصل ده .... حرق كنايس وحرق بيوت وقلع مزروعات وقتل ابرياء داخل الكنايس واختطاف بنات واضطهاد رهبان واهانه وشتيمه وضرب وعنف وتخريب وتشويه

- وهو يعنى ربنا مش عارف كل ده

- ايوه .... اكيد ربنا عارف ... بس يعنى اقعد ساكت ؟ ابقى سلبى ؟

- لا ... ولا تقعد ساكت ولا تبقى سلبى .. بس بردو ماتعتمدش على نفسك

- امال اعمل ايه ؟؟

- لازم تفهم انك لوحدك او حتى لو معاك ملايين مش هاتقدروا تعملوا حاجه غير لما ربنا نفسه يمد ايده

- وهو ربنا مش مادد ايده؟؟

- لا طبعا مادد ايده بس مش لاقى غير ناس بتصرخ وتزعق وتشتم
وترد على الشر بالشر

- يعنى يقعدوا ساكتين

- لا .... بس يعملوا بالانجيل

- ازاى يعنى ؟؟؟؟

- الكتاب بيقول آيتين مهمين فى الموضوع ده الاولى " لا يغلبنك الشر ... بل اغلب الشر بالخير " والثانية " بدونى لاتقدرون ان نفعلوا شئ"

- يعنى يضربونا ويموتونا ويخطفوا بناتنا وتقولى نعمل خير

- دى وصية ربنا وهى الصح والافضل وكلمته من جيل لجيل لاتنزل ولاتزول

- طيب بهدوء كده بقى نعمل ايه بالظبط ؟؟؟

ورديت على نفسى

انا رديت وقلت فى 3 نقاط :-

1- الصلاة والصوم .
2- الايمـــــــــــان .
3- التظاهر الهادئ الصامت السلمى .

1-
هذا الجنس ( الشر وفخاخه ) لايخرج الا بالصوم والصلاه ولازم نفهم اننا مهما عملنا ......... من غير ربنا ولا نقدر نغير شئ .. لنصلى لله ان يتوبنا لأننا نستحق ذلك اذ ااصبحنا فى قمة الانانية وكأننا لسنا كنيسة واحده وكأن مايحدث لايخصنا
نصلى من اجل انفسنا
نصلى من اجل الاكليروس
نصلى من اجل الكنيسة
نصلى من اجل كل اعضاء الكنيسة واولادها ( اخوتنا فى جسد المسيح الواحد )
نصلى من اجل اعدائنا ام نسينا الموعظه على الجبل

2-

الايمان : لازم نؤمن ان الاضطهاد موجود موجود وان اسلحة محاربتنا ليست مع لحم ودم بل مع جنود روحية شريرة لها تسلط على العالم ومافيه ولنعلم ونؤمن ان رئيس هذا العالم آت وليس ولا ولم ولن يكون له فى المسيح وفى الكنيسة وفينا شئ ... بل سيلقيه الله الى بحيرة النار هو واعوانه واتباعه وسيسحقه تحت ارجلنا سريعا

3-
ماينفعش تقعد تهرى فى نفسك وتحرق فى دمك وتحط ايدك على خدك
لازم نتظاهر
لازم نتحرك نمسك ايدينا فى ايدين بعض كتفى جنب كتفك وايدك فى ايدك ونقف بدون هتاف ولا صراخ ولا تخريب ولا تكسير
لأن هذا ليس اسلوبنا
ولنعلم ان الصمت ابلغ واقسى واصعب من الكلام بل انه يعطى رهبة كبيره فى نفوس الكل ولنقل جميعا كما فى الكتاب " صمت يارب لأنك انت فعلت "