أقرى الحادثة......

المهم بداية الأمر كنت قاعد بخلص بحث لازم يتقدم للجامعه قسم الدراسات العليا
وكل
ماجى اكتبه ع الورد تطلع رساله برنامج كده على سطح المكتب بتاعه اقوال
اباء ويطلع حبيبى الانبا موسى بقول بيقول أعد نفسك للقاء الرب فتفعل
مشيئته انا مقرتهاش خالص وبكنسلها كل ما تطلع عايز اخلص البحث بقى
ماكنش
عليه درجات كتير لانه مش البحث الاساسى بتاع السنة كان مجرد بحث لمادة
تانية وهناخد عليه درجات الشفوى ال5 بتوعها المهم كان ورقة واحدة ظبطها
بإتقان وطبعتها على ورقة مزخرفة فيها ورد وحبشتكنات كده من اللى تفرح
ونازل بقى مبسوط جدااا انا بقى برنس عامل احلى بحث
المهم وانا رايح
الجامعة موبايلى رن كان اب اعترافى وكانت غريبة دى انا فعلا بقالى مدة
ماروحتلوش وكمان بقالى مدة ماتناولتش المهم حددنا معاد واتبسط من اهتمامه
وانى هعمل خطوة كنت مأخرها حلوة
المهم روحت الجامعه ولاقيت الدكتور بعد ما لم الابحاث نده على اسمى ودايما
قولت هيشكرنى
لاقيته
بيقول للطلبة شايفين زميلكم الباحث جايبلى جواب فيه ورد مش ورقة بحث وقالى
هه جايبلنا فيه ايه افتكرته كل ده بيهزر وقولتله اكيد جواه شعر رومانسى
قالى زى ما توقعت انسان مستهتر جاى يهزر
الكلمة
طعنتنى واهانتنى قدام الكل مع انى مهتم بالامر واخده بجدية وكنت فاكر انى
هبقى مميز عنده المهم خلصت المحاضرة وركبت وانا مروح عمال افتكر وخلاص
دموعى فعلا كانت هتنزل اصل اوحش حاجه الاهانه
شوية قبل ما اوصل ولاقيت
تاكس دخل فى العربيه اللى كنت راكبها جاااااااااااااااامد خبطة قوية خضتنى
وخضت كل الركاب وخليت العربيه بتاعتنا تطلع فوق الرصيف و لو كنا ماشين
اسرع من كده كانت اتقلبت تماما وكنت قاعد ع الطرف جنب الازاز وراسى اتهبدت
فى حافة الشباك متعورتش لكن قعدت ساعات فى حالة غير طبيعيه ومصدع وقدامى
حاجة واحدة بس بالبنط العريض
أعد نفسك للقاء الرب فتفعل مشيئته
ساعتها بس ربطت كل الاحداث ببعض ..اللله مش دى الكلمة اللى كنت بكنسلها من سطح المكتب ومقرتهاش لكن عينى شافتها
انا
كنت عمال اهتم بالبحث واهتم بمدح الكتور ليا اللى هو بيرمز للعالم وماخدتش
من العالم غير الاهانه قدام الكل والعالم كان هيخرجنى منه بحادثة بسيطه
أما
مكالمة أبونا ومع الربط باللى حصل فانا مهتمتش ان الملايكة تمدحنى قدام
عرش الرب وقديسينه وده الاهم وده اللى كانت بتحث عليه أية الانبا موسى
طبعا بعد الحادثة أكيد بنعمة ربنا هيبقى فيه تغير تااااااااااانى
وياريت أنتو كمان تكونوا اتحركت جواكوا حاجات أوعوا تحبوا العالم ولاشهواته لان العالم يمضى وشهواته تزول وباقى فقط حضن الرب
أذكرونى فى صلواتكم

منقوووول

قصة رائعة جدا يا شيري
ربنا يحافظ علينا كلنا ....امين
[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

ميرررسى خالص يا قمرررررر على مرورك الجميل دة ربنا يبارك خدمتك

[ندعوك للتسجيل في المنتدى أو التعريف بنفسك لمعاينة هذه الصورة]