فراخ مشويه

الطريقة هي :

الاول نجيب الفراخ وزن الواحدة حوالي 1.700 او 1.800 ونغسلها كويس وننقعها ثلث ساعة في ماء وخل وملح ودقيق وبعدين نشطفها كويس ومش نقطعها
وتحطي حلة على الماء وفيها بصلة متوسطة وملح وفلفل اسود ومكعب ماجي وحبهان و ورق لوري و حبيتين او ثلاثة قرنفل و طماطمية مقطهة اربع اقسام وعود قرفة صغير ولما تغلي تحطي الفراخ في الحلة ونخليها تستوي نص سواه او ازيد شوية
وده مهم لنقطيتن :
الاولي علشان مش يبقى فيها دم
الثانية علشان نحصلى شوربة ونعمل بيها لسان عصفور ورز الكبسة السعودي

في الوقت الللي الفراخ تكون فيه على النار هاتي لكل فرخة 3 أو اربع بصلات كبار مبشورين وطماطميتين مبشورين إما بالمبشرة اليدوي او الكبة المهم الخلاط لا لا لا وضيفي عليهم معلقتين زيت أكل ومعلقة صغيرة خل ونصف ليمونة وحطي عليهم ملح ابيض مش كتير علشان مش تبقى حادقة وكمان مكعب ماجي تبشرية وتحطي معلقة صغيرة من كل من فلفل اسود وكمون وحبهان مطحون ونص معلقة صغيرة من كل من قرنفل مطحون علشان مش يمررها وقرفة وليمون اسود محمص ومطحون

وبعد ما تطلعي الفراخ من على النار تجيبي الفرخة وتفضلي تغزها بالشوكة كتير في كل حتة علشان المسام يتفتح وتشرب من الخلطة بس بالراحة علشان مش تتقطع في ايديكي
وبعدها تحشي الخلطة دي في قلبها من جوة وكمان من برة ولو فاض حاجة خليها في الصنية وتسيبها من ساعة لساعتين وبعدها حطيها في الفرن تتشوية وكل لما جنب يحمر تقلبيها وتاخدي من الخلطة اللي في الصنية وتتضيفي لها علشان تتشرب الطعم اكتر
وعلى فكرة الخلطة اللي بتبقى في الفرخة من جوة وفي الصنية بنحطها في طبق ونحب نغمس بيها الاكل جدا
وعلى فكرة لاعطاء نكهة الفحم زي مانتوا عارفين نسخن فحمة على النار وبعدين نحطها في طبق الومنيوم صغير وسط صنية الفراخ بعد متنتهي من السواء وعليها معلقتين زيت سخن ونغطيها على طول ونتركها على الاقل ربع ساعة علشان تاخد الريحة بتاعة الفحم

وبالهنا والشفا
منقول

[ندعوك للتسجيل في المنتدى أو التعريف بنفسك لمعاينة هذه الصورة]

ميرسى خالص توتا لمروك الرقيق