تعـــــــالو نشـــــوف حكــايه كيرو و شيري

[ندعوك للتسجيل في المنتدى أو التعريف بنفسك لمعاينة هذه الصورة]

خــــــــاص وحصري لأعضاء الطاحونه فقط
قام بهذا العمل الحصري جداً ابنـــاء الطاحونه
كيرو & شيري

kero: هـــــــــــــاي

shery: هاااااااااااى

kero: ممكن نتعرف

shery: ممكن مين

kero: انا كيرو 19 سنه من سوهاج
kero: وانتي

shery: اهلا بيك
shery: انا شيرى من سوهاج 17 سنة

kero: حلو اوي اسم شيري دا

shery: ميرسى دة من زؤقك

kero: وكمان سننا قريب اوي من بعض وكمان الاحلا من كده اننا من بلد وحده

shery: اة فعلا بس سننا قريب من بعض دة اية الى دخلو فى التعارف

kero: عادي يعني مجرد اننا هنفهم بعض هتفهميني وهفهمك هتحكيلي واحكيلك ولا انتي عندك مانع

shery: لا مفيش مانع بدال هيبئى فى حدود الادب

kero: اكيد طبعاً

shery: اوك

kero: طيب قوليلي يا شيري انتي حبيتي قبل كده

shery: اة طبعاااااا حبيت ولسة بحب لحد دلوقتى

kero: يا تري مين سعيد البخت دا

shery: الى فدانا بدمة على عود الصليب

kero: قصدك يسوع يعني

shery: اهاا طبعا

kero: لا انا مقصدش علي الحب الالاهي دا
kero: انا اقصد يعني انك بتحبي شخص معين بيحبك وتحبيه يقابلك وتقبليه يكلمك وتكلميه كده يعني

shery: نوووووووووووووووو

kero: طيب ومبتفكريش فـ كده
shery: لالالالالا حاليا مش بفكر فى الكلام دة خالص انا مش بفكر غير فى دراستى وبس

kero: مفيش مانع ان يبقي في حب مشارك لدراستك وكمان اكيد هوا ممكن يشجعك علي دراستك وانتي كمان تشجعيه وتحبو بعض لغايه ما تتخرجو وبعدين تتجوزوا بعض

shery: بص هقولك حاجة زى ما بيقولو ابو بالين كداب مش ينفع الحب مع الدراسة
ياما اركز فى درستى يا ما اركز فى حبيبى ونقضيها تليفونات ومقابلات وبكدة ماظنش انو هيكون
shery: سبب لتشجيعى دراستى بالعكس

ممكن تكون خطوة تعمل على تاخير فى مستقبلى الدراسى

kero: يعني مش شرط انكم عشان تبقو حبيبه طول الوقت يعني تقدري تفصلي بين وقتك الدراسي وبين حبيبك

shery: كدب لانى الى بيحب حد بيفضل شاغل تفكيرة بية على طول
shery: وبكدة مش هيركز فى حاجة

kero: هوا فعلاً الحب بيبقي شاغل بال الي بيحبو بس احنا ممكن نستغلو صح يعني نشغل بال حبيبنا بأننا نتفوق في دراستنا واني نفسي ابقي حاجه كويسه وادخل كليه من كليات القمه وبكده حبيبي هيتمسك بيا اكتر

shery: بس دة مش بيحصل
وبعدين يتحججو لبعض
انى عشان كنت بفكر فيك مش جبت مجموع

kero: هوا فعلا ممكن يحصل كده

kero: طيب انتي اي رأيك في الحب علي النت عامتاً يعني
shery: بص هو الحب انواع وكلمة حب مش كلمة صغيرة
والحب على النت دة بيبئى حب اخرة الفشل

shery: وتسلية مش اكتر
الحب الصادق دة بيكون اولا فى علم الاسرة
وبيكون حب فى المكان والزمان الصح

shery: لانى الحب تحت سن العشرين مثلا بيكون حب جماعى
يعنى كل ما تشوف وحدة تعجب بيها
فالازم يكون فى السن الصح لية
shery: والحب مش بس اعجاب وانما كلمة الاعجاب فهيا تتمسك بسن المراهقة وهو تحت سن العشرين وسن المراهقة يعنى هو تحور الانسان من مرحلة الى مرحلة اخرى فى حياتة فيريد ان يفعل مثلما يرى فى الافلام ويقول بحبك ولا يعلم ما تخبئة تلك الكلمة من مسئولية

kero: واضح انك واخده فكره مش حلوه عن الحب

shery: هو انا لو زى بنات اليومين دول هقول انى كل كلامك صح لكن احنا بنتكلم كلام منطقى والمنطق يستمد كلامة من الواقع

kero: واضح انك رافضه منطقياً الحب علي النت

shery: طبعا اكبر غلطة بيقع فيها الشباب هي الحب على النت

kero: ليه انا اعرف ان في شباب وصلت بيهم العلاقه انهم اتجوزو بسبب معرفتهم علي النت
shery: ودى نسبة مش تزيد عن 1 %

kero: وليه احنا منبقاش من ال 1 % دول
shery: لان علاقتهم علي النت بتنجح لكن علاقتهم الزوجيه بتتعقد وبيكتشفو حجات مكنوش قايلينها لبعض قبل كده وبتترتب علي الكلام دا مشاكل قد تكون سبب في انفصالهم
shery: وهي دى حياة 1%الى انت عايزنى ابئى منهم

kero: طيب خلاص بلاش من الحب دا اي رايك في حب الاصدقــاء والاخويه

shery: حب جميل الحب الاخوى

kero: طيب خلاص ياريت تعتبريني صديقك او اخوكي من دلوقتي
kero: اذا مكنش عندك مانع طبعاً

shery: لا مفيش مانع دة شرف ليا

shery: بس برضو دي بيبقالها حدود كمان يعني
انا ممكن اعتبرك صديق واخ ليا بس متجيش تقولي بعد كده طيب هوا في اخ
مبيشوفش اختو في الساعه دي هقولك اذا كانت صداقتنا مبدئها وجزرها هوا النت
يبقي هقولك مينفعش انك تشوفني

kero: يعني هوا انا مثلا مينفعش اشوفك ولو حتي صوره

shery: لالالالالالا طبعا لانى لازم كل بنت تحط مبادىء ليها على النت

shery: الصورة دى بتعمل مشاكل كتير

kero: طيب ولو قولتلك اني اوعدك انو مش هيكون في مشاكل اذا انا شوفت صورتك

shery: وانا اية الى يضمنلى
shery: مفيش حد بيعرف حد من خلال النت دى كيبورد بتكتب

kero: يعني الثقه الاخويه الي بينا ممكن تكون حقيقه مش بس كلام بيتكب علي كيبورد وخلاص

shery: وتفتكر انى الى لية مبادىء ممكن يغيرها بسهولة كدة

kero: مش يغيرها يجددها يطورها مثلاً

shery: عشاان مين
وبدال هو مقتنع بيها

shery: يبئى استحالة يغيرها

kero: واضح انك واخده قرار ومصره عليه كمان

shery: طبعا
shery: دة مبدئى ومش ممكن اغيرة

kero: بصراحه كلامك دا عجبني جداً كمان خلاني اقتنع ببعض الافكار الي انتي قولتي عليها دي
shery: ميرسى

kero: طيب خلاص بلاش حكايه الصوره دي
kero: يمكن تفتكري اني ممكن اعملها شهره او حاجه زي كده
kero: اي رايك لو نتكلم مايك

shery: مش عندى مايك

kero: طيب هوا انتي معاكي موبايل

shery: اة معاية

kero: طيب ممكن مثلا تديني نمرتك وانا اكلمك او مثلا لما تيجي تدخلي نت ترني عليا عشان اعرف انك علي النت وادخل واكلمك

shery: احنا جمعتنا الصدفة سيب الصدفة بئى تجمعنا تانى

kero: يعني انا مبحبش الاعتماد علي الصدفه او الحظ
kero: ودي مفيهاش مشكله يعني

shery: يبئى هرجع واقولك انا ليا مبادىء لا تتجزء ولا تتغير

kero: طيب انا همشي دلوقتي مش عايزه حاجه
shery: ميرسى عايزة سلامتك

kero: الله يسلمك

kero: طيب باي

shery: بااااااااى

kero:

وهكذا هوا معني الحب علي الانترنت ومخادعاته الي تكثر يوماً بيوم

shery:

واديكو عرفتو ازاي تصدو الولد المخادع الي بيقوم بدور الحبيب

kero:

دي مشكله بنواجها كل يوم

shery: دي حقيقه وخطر بيهدد بناتنا كل يوم

kero:

بنعمل كده عشان نتعلم ونستفاد ولازم تضع لك حدود لكلامك علي النت

shery: وحدودنا هيا مبادئنا والمباديء لا تتجزء ولا تتغير

kero: كان معكم من اسره الطاحونه

shery: شيرى

kero: و كيرو

kero: ونتمني لكم الافاده جميعاً

kero: انتطرونا في مشكله اخري بتواجهنا كل يوم

shery: ومعانا احنا بس هتعرفو ايه الحل

kero: وزي ما ربنا قال انا ارعي وانا احفظ

shery: وربنا قادر انو يحافظ على اولادة من اى شر

بــــــاااااي

kero & shery

[/center]

موضوع رائع بجد ميرسى يا كيروو انت وشيرى ربنا يباركم

رائع بجد يا شيرى انتى وكيرو بجد موضوع فى غايه من الروعه والجمال وياريت نتعلم منه
ربنا يبارك حياتكم ويعوض تعب محبتكم

موضوع اكثر من رائع ومفيد جدا وياريت الكل يستفاد منه

[ندعوك للتسجيل في المنتدى أو التعريف بنفسك لمعاينة هذه الصورة]

وربنا قادر ان يحفظ اولاده

سااااانكس يا كيرو انت وشيري ربنا يعوضكم

[ندعوك للتسجيل في المنتدى أو التعريف بنفسك لمعاينة هذه الصورة]

دي اقل خدمه نقدر نقدمها لمنتدانا الحبيب ونقدر نخلي ازاي اعضائو تقدر تستفيد وتخلي بالها كمان من المقالب والحجات الي زي كده والي عندو مشكله يكتبلنا عن اي واحنا هناقشها بنفس الطريقه
وانتطرووووا
المزيد من المشاكل التي تواجهنا مع وجود الحلول لها
شكرا

ً علي ردكم وتشجيعكم لنا

موضوع فى منتهة الروعة
ميرسي يا كيرو
ميرسي ياشيرى
ربنا يباركم

موضوووووووع غاية فى الروعة
ربنا يبارك خدمتكم شيرى وكيرووو
اية الجمال دة كلة
[ندعوك للتسجيل في المنتدى أو التعريف بنفسك لمعاينة هذه الصورة]

ثــــــــــــــانكس لتشجيعكم ونتمني انكم تبقو معانا علطوووووووووووووول

ميرسى جداااااااا على ردودكو الحلوة اوى دة وتشجعكو لينا ربنا يباركم

[ندعوك للتسجيل في المنتدى أو التعريف بنفسك لمعاينة هذه الصورة]

هااااااااااااايلل جداااااااااااااااااااااااااااا

دويتو رائع

يارب كلنا نتعلم

نحب ربنا اكتر من اي شئفي الوجود