صباح الفراغ

فيروسات مسيحية: صباح الفراغ

?
فيرس: لما ندخل علي النت بقا نشوف كده مين علي الماسينجر
Email address: virus

الله حلو قوى ده ليله شكلها زى الفل كل دول يا مسهل يا رب
Anti virus has just sign in

ايه ده الليله باظت أ/ انتى فيرس دخل علي النت وحتبقى ليله وعظات

vانتى فيرس: هاى فيرس ازيك؟؟

? فيرس:
أزيك يا أستاذ .. أنا الحمدلله كويس .. أيه يا عم ما أنته بتدخل علي النت
أهو امال عمال تقولى بس وقت فراغ وتوعظنى وخلاص ........ يا عم ارحمنى
انته كل ده بتكتب الرد خلاص يا استاذ انتى فيرس انا عارف حتقول ايه انجز
... يا ساتر يا عم نام بقا شويه عايزين نتكلم........ ها نكلم مين بقا
ميرنا ولا ميرفت .... اقلك نبتدى بميرنا ...... هاى ميرنا ازيك وحشانى!!

v أنتى فيرس: انته مقلتليش يا فيرس أحنا اتكلمنا قبل كده عن وقت الفراغ واسبابه انما مسالتنيش بقا ازاى ممكن تقضى وقت فراغك ده؟؟

? فيرس:
ييييه انته رجعت تانى ثوانى يا ميرنا ..... ايوه يا استاذ قللى انته بقا
ازاى اقضيه احكى يا سيدى ... أيوه يا مرمر معلش سورى كنا بنقول ايه بقا..

v
أنتى فيرس:
بص يا فيرس أهم حاجه ومبدأ لازم تحطه في دماغك وانته بتعمل أى حاجه أنها
لازم تعود عليك بالنفع أو حتى علي الاخرين، وزى ما قال بولس الرسول
"فلنعكف إذاً علي ما هو للسلام وما هو للبنيان بعضاً لبعض" (روميه 19:14)،
لازم تقضى وقت من اجل نموك النفسى والروحى والجسدى والفكرى والثقافى
والدراسى والرياضى وزيادة المعلومات وتوسيع المدارك الذهنيه .... لاحظ انك
في فترة تكوين شخصيه وتشكيل ملامحها عايز تخلى شخصيتك مهزوزه فاضيه جاهله
مالهاش هدف ولا شخصيه قويه مدركه مثقفه عارف طريقها عموما الموضوع في
ايدك.... بس عايز اقلك علشان تستفيد بوقتك لازم حاجه مهمه جدا انك تنظمه
وتخطط له مسبقاً.

? فيرس:
يا استا انتى ارحمنى بقا خطط ايه احنا حنحارب سمعت اخر نكته بيقلك يا سيدى
واحد متجوز بنى بيته علي شكل دايره سالوه ليه كده قالهم علشان مراتى
متقدرش تقولى انتى حابسنى بين اربع حيطان.....
v انتى فيرس:
بايخه وثانياً أنا مبهرجش دلوقتى يا بنى وقتك ده دهب مش حتلاقيه بعدين
لازم تحط هدف قدامك ممكن تحققه خلال وقتك الفاضى ده واختار هدف يناسبك
وتقدر تحققه ومتنساش تختار بدقه مين الاصدقاء والاشخاص اللى حتقضى معاهم
الوقت

? ]فيرس: يا أستاذ ما انا عارف يعنى انا مثلا قبل ما بدخل علي النت بحط هدف وببقى مخطط حكلم مين بالظبط مسبقاً.

أنتى فيرس:
يا بنى انا بتكلم علي حاجه تبنيك وتفيدك يعنى مش اى انشطه تعملها المشكله
دلوقتى في كل بيت ان الاولاد بيحبوا يقضوا اغلبية وقتهم بره البيت مع
اصحابهم يعنى من الاخر يا اما علي القهوه او مشى في الشوارع والوقوف علي
النواصى وشاطى البحر في الصيف والذهاب للسينما والملاهى او مبارايات كرة
القدم وطبعا البيت بيعترض وبصراحه عندهم حق لان اللى بتعملوه ده ميعتبرش
قضاء وقت الفراغ انما هو في حد ذاته فراغ اصلاً .

فيرس: يا استاذ خليك حلو بقا يعنى حنعمل ايه اهو وقت وخلاص ولازم ارفه عن نفسى الترفيه مهم جدا ولا ايه.

v انتى فيرس:
انا معاك طبعا بس ممكن الترفيه يبقى في اسلوب كويس ولائق ممكن نقضى الوقت
في نادى نمارس رياضه مثلا أو نقراء شويه أو نقضيه في الكنيسه وانشطتتها
الروحيه والاجتماعيه وصدقنى لو دخلت الكنيسه وشاركت بفاعليه مش حتلاقى
عندك ولا ثانيه فاضيه وطبعا مفيش مانع نتفرج علي مطش مثلا او نخرج نتمشى
شويه طالما في اطار محترم ولائق بس اسمحلى لو الكلام ده بيحصل علي طول
يبقى في حاجه غلط.

? فيرس: هو كلامك يا استاذ ان جيت للحق معقول بس معرفش هى بتجى كده يعنى وكل يوم بيعدى من غير ما نحس وحسب ما بيحصل....

v انتى فيرس:
ما هو انته لازم تاخد بالك من لصوص الوقت زى ( التليفزيون – التليفون –
الكمبيموتر – سيرة الناس والادانه – احلام اليقظه والتخيلات المريضه –
النوم الكثير - ..........) خللى بالك كمان من اصحابك اللى انته معاهم "قل
لى من هم اصدقائك أقل لك من انت" وزى ما قال سليمان "المساير الحكماء يصير
حكيماً...." (أم 20:13)..... نفسى اقلك حاجه اخيره يا فيرس علشان انا مضطر
امشى في ناس كتير بيتمنوا ولو لحظه يعملوا فيها حاجات ضيعوا ساعات وايام
وسنين مقدروش يعملوها فيها لانهم كانوا مش حاسين انه ممكن الوقت يخلص
حاقولك على قصه حصلت فعلا كان شخص قبل كده تعبان ولما راح للدكتور وعمل
اشعه الدكتور شافاها وقاله انه للاسف مش حيعيش اكثر من 6 شهوروكتبله
مسكنات ياخدها علشان الالم خد الراجل الصدمه والكلام وحس اخيرا بالوقت وان
الفتره صغيره ولازم يستغلها كويس فبدا يرجع لربنا ويعترف ويتناول ويعامل
الناس كويس ويستفيد بكل ثانيه وفوجى انه الالم بيخف علي عكس الدكتور ما
قاله فراحله تانى وعمل اشعه تانى وكانت المفاجاه ان الاشعه سليمه وان
الاوله غالبا اتلخبطت مع مريض تانى اعتذره الطبيب وقاله انا اسف انى عيشتك
في شبح الموت الشهور ده رد الراجل وقاله انا متشكر ليك انك حسستنى بالوقت
وباهميته وانى لازم اتوب وارجع دلوقتى مش بكره.. يا ريت كلنا نفكر ونعرف
ان حياتنا مجرد بخار حيزول ويجى الوقت اللى نتمنه لحظه ملنقيش .... اوك يا
فيرس اقلك باى دلوقتى واشوفك بعدين.

بجد الوقت ده ليه اهميه كبيرة اوى
ياريت كلنا نستغله استغلال مفيد
ميرسى يا شيرى بجد موضوع جميل اوى