بيتسلى بيكى !!

بتحب ؟ اه بحب
بتحب مين ؟ بحب البنت كتكوتة
هى عندها كام سنة ؟22
وهى بتحبك ؟ اسكت يابنى دى بتموت فى دباديبى
ازاى؟ كل ما بتشوفنى تقولى بحبك
كده على طول ؟ طبعا صحبك روش برضه
لا ماهو باين
اهلها يعرفوا ؟ لا طبعا
ليه ؟ ممممممممممم مش عارف
يمكن علشان كده غلط ؟ لا طبعا
طيب ليه ؟ جهل بعيد عنك
طيب واخرتها ؟ اخرة ايه
اخرة الحب ده ؟ ادينا بنتسلا
بتتسلا ؟ ايوة
يعنى مش ناوى تتجوزها ؟ هههههه اتجوز مين يا عم انا لاقى اكل
طيب بتحبها ليه ؟ مش عارف انا بحبها اه لكن جواز لا
ليه ؟ يمكن علشان لسة بدرى وصعب اكون اسرة دلوقتى
طيب بتحبها ليه ؟ يابنى اصل انتا مش فاهم طالما دخلت الجامعة لازم يبقى عندك الجيرل فرند بتعتك
وده مهم ؟ طبعا لاننا لازم نواكب العصر ونعيش اللحظة
طيب مانتا كده ممكن تحطم البنت وتصدمها ؟ ايه يا عم الدراما دى لا مش كده خالص
طيب ازاى ؟ هو يومين وهتنسى وانا هقولها ان غصب عنى
غصب عنك ازاى ؟ ماهو انا حتى لو رحت اتقدملها اهلها مش هيوافقوا غير لما اغلص دراسة واشتغل وخلنى بقى حد لاقى شغل اليومين دول
يعنى انتا بتحبها وممكن تسبها فى اى وقت من غير ما تعمل حساب لمشاعرها ؟
مانا قلتلك يومين وهتنسى وهى هتتجوز وخلاص
بس دا ميمنعش انك هتجرحها ؟ اجرح مين ياعم الدنيا كلها كده هو انتا هتصلح الكون
عندك حق انا مش هصلح الكون ؟ سلام بقى علشان البنت بتعتى جاية اهى
اتفضل وربنا موجود

هو ده حب شباب الجامعات
اختى انتى غالية جدا عند ربنا فمترخصيش نفسك مع واحد كل همه انه عاوز يتسلى
خليك غالية فى نظرك واوعى تنساقى خلف كلام ليس له اى فائدة
فكرى ان الشاب ده
اولا بيحبنى ليه ؟
واخرة الحب ؟
وهل هو جاد؟
بدل من ان تندمى على كل لحظة قضيتيها مع شاب مستهتر لا يعرف شيى عن المسؤلية
وستكونى انتى الخاسرة الوحيد فى وقت لن يفيد فيه ندم

:sleep: :sleep: :sleep:

وستكونى انتى الخاسرة الوحيد فى وقت لن يفيد فيه ندم

موضوع جااااااامد يا شرشر

وياريت البنات تفكر في الانسان اللي قدامها الاول قبل ان تطلق الحب من قلبها

ربنا يباركك ويحافظ علي اولاده

موضوع جامد قوى يا شيرى بس على فكره يا شيرى الغلط على الشباب أكتر من البنات لأن البنات أحاسيسهم أكتر من الشباب وبيتأثروا بأى كلمه وأى همسه فالمفروض ان الشاب المسيحى يكون أكثر حرساً على أخواته البنات ويفتكر إن ممكن أخته تكون ذى البنت اللى بيحبها ساعتها مش هيردالها بالوضع ده .

ربنا يبارك فى خدمتك

ميرسي ليكي يا شيري .....
موضوعك جميل جداااااااااا