هى مين دى ؟؟؟

يقول العريس (رب المجد يسوع تبارك اسمه) فى سفر النشيد " واحدة هى حمامتى كاملتى الوحيدة لامها عقيلة والدتها هى رأتها البنات فطوبنها . الملكات والسرارى فمدحنها" (نش 6 : 9) تعالوا احبائى نشرح الاية دى كده مع بعض ...
1- المتكلم فى النص ده ..هو العريس اى المسيح له كل مجد وكرامة
2- اللى بيتكلم عنها احبائى هنا ..هى كنيسة العهد الجديد ...اللى بنقول عنها فى القداس
" صلوا من اجل سلام كنيسة الله الواحدة الوحيدة المقدسة الجامعة الرسولية كنيسة الله الارثوذكسية " ودى المشار اليها فى الآية بـ" واحدة"
3- "أمها " = دى هنا كنيسة العهد القديم
+ مفيش غيرها هى اللى اخذت الايمان المسلم للقديسين مرة Once For All مفيش غيرها
+ قال عنها "حمامتى " : انتم تعلمون احبائى ان الحمام رمز للبساطة ..والطهارة ..رمز للسلام ...فالكنيسة سلامية من الدرجة الاولى لان فيها ملك السلام على الدوام ..نقول كده " عمانوئيل (ملك السلام) الهنا فى وسطنا الان بمجد ابيه والروح القدس" ...علشان كده بيقول حمامتى ...حاجة تانية ..انه بيقول حمامتى ..اى ينسبها الى نفسه ..وهذا هو فخر الكنيسة انها تنسب للمسيح له المجد ..فلا حياة للجسد بدون الرأس ..
+ كاملتى : لانه اعطاها كل المقومات اللى تلغى سلطان الخطية على اولادها ..فلا يسود عليها الموت او النقص بعد ..وانه سيمنحها الكمال فى الابدية ..
+ الوحيدة : زى ماقلنا ..مفيش غيرها ...يعنى غيرها اقصد غير الارثوذكسية ..مش له
+عقيلة امها : يعنى ايه عقيلة امها عقيلة امها يعنى اللى تحل محل امها فى غيابها وانتم عارفين احبائى ..ان كنيسة العهد القديم فى حالة غياب ...اذ ان اليهود رفضوا رب المجد فقبلته كنيسة الامم ..كنيسة العهد الجديد ..صحيح الرسل من اليهود لكن الذى قبل المسيح له المجد فى كنيسة العهد الجديد هم من الامم
+رأتها البنات فطوبنها : فكانت كنيسة العهد الجديد محل اعجاب ..وفرح السمائيين