خــــــــــــــــلاص

خلاص

انتى ردى عليا .. بصى فى دموع عينيا
خلاص فى حد تانى .. هايخدك وتسيبى إيديا

طيب مين هيقولى وحشتنى .. وهاقول لمين وحشتينى
ومين فى حضنه هايضمنى .. وبحنيه قلبه هايغطينى

هاجرى على مين وأحكيله .. يومى من صباحهُ لليلهُ
مين غيرك هايهتم بيا .. وكل شويه يسأل عليا

مين هاضحك وأفرح معاه .. مين وانا تعبان يكملى الأه
مين غيرك هاتمناه نصيبى .. وهاسمع من مين كلمه حبيبى

ماشيه وسيبالى الذكريات .. تتعبنى ولا تفجر الآهات
خديها معاكى انا مش قدها .. كده كده بموت فى قربها ولا بعدها

قوليلى طيب أعمل أيه .. قبل ما تسبينى وتروحى ليه
قلب بيتقطع بيدوسوا عليه .. وأنتى بتموتى وبتموتيه

أعمل ايه فى حبى ليكى .. وحنينى اللى بيجبرنى اجرى لعنيكى
مش حبيبك انا ردى عليا .. ما كفايه عذاب الدنيا فىّ

ناديت على النسيان مقدرتش .. طب انسى ازاى انا معرفتش
أنسى عمرنا ولا حلمنا ولا ايه .. لو عندك حل الحقينى بيه

انسى كلامى ولا كلامك ليا .. انسى صوتك ولا شوقك ولا الحنيه
لما احتاجلك هلاقيكى ازاى .. هدور على مين وبقيتى محال

بموت وحياتك ماتسبينى .. غصب عنى مش قادر اعذرينى
حقك عليا وربنا يسعدك .. بس هافضل احبك زى ما بوعدك
منقول

اللة يسامحك يا ميمو

حرام تتركية بيموت
هههههههه
شفتى البنات بقا بتعمل اية

حلوة القصيدة يا ميمو ربنا يبارك حياتك

يايسى هقوله مع الف سلامه والقلب دعيلك

هههههههههههههههههههههههههههه
يارب بس البنات يقدرو يعملو كده بجد
ده يوم المنى
هههههههههههههههههههه
ميرسى خالص يايسى على مرورك

قـصـــــــــيده جميلللللللللللله بجد يا ميمو

وكلمات اجمـــــــل

ميرسي بجد ربنا يعوضك محبه يا عـســـــــــــل

ميرسى خالص يابيسو على كلامك وذؤقك

بجد نورت وشرفت الموضوع