سؤال محيرنى من فترة كبيرة

كيفكم يا احلى منتدى
بصراحة فى سؤال محيرنى من فترة
ومشتت تفكيرى شوى وعاوز افهمة ياريت تساعدونى

اول شى فى قانون الايمان
ب الحقيقة نؤمن ب الة واحداللة ضابط الكل خالق السماء والارض ما يرى ومالايرى

ونؤمن برب واحد يسوع المسيح ابن اللة الوحيد المولود من الاب قبل كل الدهور....الخ

طيب هل احنا كدا بنفصل بين اللة الاب
والمسيح الابن
يعنى نؤمن ب الة واحد ,, ونؤمن برب واحد

يمكن انا فى شئ غايب عن بالى لانى كل م اكررها بتلف براسى

ارجو الافادة

ازكرونى فى صلواتكم

لا احنا كده مش بنفصل

الرب هو الاله بس صيغه الكلام متغيره بس المعني واحد

** التكرار يوضح المعني ويقويه **

يارب اكون عرفت افيدك .. ربنا يعوضك

مش فاهم يعنى اية صيغة الكلام متغيرة

احنا لما بنقول بيسو مدير عام
ونرجع بعدها نقول ابن بيسو مدير عام
دا اختلاف الصيغة
بس موصلناش ان فى بس واحد مدير عام كدا بقا عندنا 2
وبعدين هنا مش تكرار ليتقوى المعنى ويثبت هنا تقريبا اختلاف او فصل بين 2

بص يا يسي

انا فاهم انت قصدك ايه بس مش عارف اوصلهالك ازاي عشان المفروض انت تكون

فاهم المعني كويس

بص هقولك حاجه ..

بيقولك بعدين مساوي الاب في الجوهر

ألآب هو الله من حيث الجوهر وهو الأصل من حيث الأقنوم

الابن هو الله من حيث الجوهر وهو المولود من حيث الأقنوم

الروح القدس هو الله من حيث الجوهر وهو المنبثق من حيث الأقنوم

وهقولك معني كلمه اقنوم ..

كلمة اقنوم هى كلمة سريانية تترجم على اساس انها تعنى خاصية ذاتية

فى اللة وهى لا تعنى وجود شركاء للة .. فالله واحد فى جوهرة وذاتة ولكن يوجد فى هذا الجوهر

الواحد ثلاثة خواص ذاتية بدون هذة الخواص الثلاثة او

بدون واحدة منهم تنعدم الذات الالهية دة معنها

.. بص عشان تفهم اكتر انا جبتلك ده

4- "نؤمن برب واحد يسوع المسيح"

بعد أن تكلم قانون الإيمان عن الأقنوم الأول "الآب" انتقل إلى الحديث عن الأقنوم الثانى"أقنوم الابن" أنه هو الرب يسوع المسيح. وكلمة رب تعنى سيد أو إله. وقد استخدمت كلمة رب فى قانون الإيمان بالمعنى الثانى "إله". والسيد المسيح انطبقت عليه كلمة (رب) فى الإنجيل المقدس بتعبير يدل على لاهوته.
والقديس كيرلس الاسكندرى يعتبر أن عبارة "رب واحد يسوع المسيح" هى مفتاح الإيمان الأرثوذكسى السليم. وهى العبارة التى جعلت القديس كيرلس يسجل أكثر من مرة أننا "نتبع الآباء"، وأننا نتمسك بالتسليم الرسولى، لأن المسيح هو الذى سلم الإيمان، وهو بنفسه كان حاضراً فى جلسات المجمع النيقاوى (شرح قانون الإيمان- فقرة4). وبذلك تبين عبارة قانون الإيمان أن يسوع المسيح هو الله الظاهر فى الجسد، لأن الجسد اتحد بشكل فائق سرى بالأقنوم الثانى دون أن يتغير أو يتحول إلى طبيعة الجسد، ولا أن امتزج أو تحول إلى خليط من الناسوت واللاهوت فى جوهر جديد.
+ ابن الله الوحيد
عبارة ابن الله الوحيد تعنى أننا رأينا الله الآب غير المنظور من خلاله. كما انه هو ابن الله لأنه فى لاهوته وطبيعته من طبيعة الله وجوهره. واستخدام السيد المسيح لكلمة "الابن" لأنه ليس فى لغة البشر ما يعبر عن العلاقة والمطابقة التامة بين الرب يسوع والله الآب غير لفظ الابن. ولهذا قال السيد المسيح "من رآني فقد رأى الآب....صدقونى أنى فى أبى وأبى فىّ" (يو14: 9-11)، وكذلك "أنا والآب واحد" (يو1: 3)
كما أن عبارة "الوحيد" أى انه ليس له نظير فى هذه البنوة، فهى بنوة متفردة فى الثالوث، عن أى بنوة أخرى فى عالم الإنسان أو الحيوان .......الخ.
+ المولود من الأب قبل كل الدهور نور من نور إله حق من إله حق:
فالابن مولود من الآب منذ الأزل ولادة متفردة، ليس لها مثيل فى الوجود كله فليست بنوة زمنية ولا بنوة جسدية، بل هى بنوة روحية مستمرة للأبد كولادة النور من النور. فقد قيل عن الآب أنه " ملك الملوك ورب الأرباب.... ساكناً فى نور لا يدنى منه الذى لم يره أحد من الناس" (1تى6: 15-16) فالآب نور بالمعنى اللاهوتي وليس بالمعنى المادى. والابن المولود منه هو نور من نور، أى من نفس طبيعته اللاهوتية، وله نفس الصفات الإلهية.
+ إله حق من إله حق:
أى أن الابن هو إله بالحقيقة من نفس طبيعة الإله الحقيقى، وليس مثل الذين دعوا آلهة بمعنى سادة وليس هم آلهة بالحقيقة. فموسى النبى قال له الله" جعلتك إلهاً لفرعون" (خر7: 1)، وكلمة إله هنا لا تعنى أنه خالق أو أزلي أو قادر على كل شئ، ولكن إله بمعنى( سيد). لأن موسى إنسان وليس من طبيعة الله.
فالابن هو نفسه من طبيعة الآب ومن جوهره، فلاهوت الابن هو نفسه لاهوت الآب والروح القدس المالئ كل مكان له كل الصفات الإلهية.
+ مولود غير مخلوق:
تعنى أن الابن إذا كان قد أخذ جسداً مخلوقاً من العذراء فى ملء الزمان، إلا أن لاهوته غير مخلوق، فالابن بلاهوته مولود من الأب بولادة تفوق الإدراك والعقل، ولادة روحية. كما يولد الفكر من العقل، وكما يولد شعاع النور من الشمس. وهنا يعطى قانون الإيمان الفهم الصحيح عن ولادة المسيح من الآب ضد تعليم الأريوسيين.
+ مساو للأب فى الجوهر:
الأريوسيون يعتمدون على الآية الواردة فى( يو14: 28)"أبى أعظم منى " معتبرين أن الابن أقل من الآب فى الجوهر، وغير مساو له فى كل شئ.
لم يفهم الأريوسيين أن عبارة "أبى أعظم منى " قيلت عن حالة إخلاء الذات فى الجسد إذ أن السيد المسيح "إذ كان في صورة الله، لم يحسب خلسة أن يكون معادلا لله، لكنه أخلي نفسه أخذاً صورة عبد، صائرا في شبه الناس، وإذ وجد في الهيئة كإنسان، وضع نفسه وأطاع حتى الموت موت الصليب"(فى2: 6-8). وهنا صورة العبد الذى أخذها هى حالة الإخلاء، مع بقاء جوهر اللاهوت كما هو لم ينقصه تواضع الناسوت شيئاً.
+ الذى به كان كل شئ:
وهنا يريد قانون الإيمان أن يوضح أن الابن له صفة الخلق مثل الآب "كل شئ به كان وبغيره لم يكن شئ مما كان" (يو1: 3). وهذا يعنى أن الآب خلق كل شئ بالابن، لأنه هو عقل الله وقوته وحكمته(1كو1: 24).

انا مبسوط جدااااا عشان بحب اخدم الناس اللي زي كده يحبوا يستفسروا عن اي حاجه لفتت نظرهم

[size=29][/size]

اثبات التثليث والتوحيد

قالرب المجد يسوع كيف تقدرون ان تؤمنوا وانتم تقبلون مجدا بعضكم من بعض والمجد الذى من الالة الواحد لستم تطلبونة " يو 44:5"

وقال ايضا حينما فارق تلاميذة بالجسد"اذهبوا وتلمذوا جميع الامم وعمدوهم باسم الاب والابن والروح القدس "مت 19:28"

وبهذايكون قد قدم لنا السيد المسيح دليلا قاطعا على ان الله واحد مثلث الاقانيم ففى الاية الاولى برهن ان الله واحد "المجد الذى من الله الواحد "وفى الاية الثانية برهن ان الله مثلث الاقانيم "الاب والابن والروح القدس "اذ ان التثليث والتوحيد درسا تعلمناة من السيد المسيح نفسة وليس فكرا دخيلا على المسيحية

هنيجى بقى لعلاقة الاقانيم الثلاثة ببعضهم

ان الثلاثة اقانيم متحدين ببعضهم بغير انفصال ولا امتزاج او اختلاط وكل اقنوم له نفس المستوى الالهى والعظمة والطبيعة وسائر الصفات الالهية التى للاقنومين الاخرين -ونلمس ذلك كمثال للتوضيح فى الانسان فالانسان مكون من روح ونفس وجسد وكل من الروح والنفس والجسد متحدين مع بعضهم بغير انفصال فلو انفصل احد هؤلاء الثلاثة اصبح الانسان ميت-وكل من الروح والنفس والجسد له نفس المستوى الانسانى فاذا كان الانسان يعلم شيئا ما فانة يعلم هذا الشىء روحة ونفسة وجسدة فلم نسمع من قبل ان انسان يعلم شىء بجسدة واما روحة ونفسة فلا يعلمان هذا الشىء واشهر نص فى الكتاب المقدس يثبت ان الثلاث اقانيم لهم نفس الجوهر والطبيعة والصفات الالهية هو قول معلمنا يوحنا الانجيلى "فان الذين يشهدون فى السماء هم ثلاثة الاب والكلمة والروح القدس وهؤلاء الثلاثة هم واحد "وهذا القول يوضح ان الثلاثة اقانيم لهم جوهر واحد وارادة واحدة وطبيعة واحدة .اى ان لكل من الاب والابن والروح القدس نفس الصفات فكل ما ينسب الى احدهم من صفات الاهية يمكن ان يوصف بها الاقنومين الاخرين فمثلا :الازلية ،والعدل ،والحق ،والعلم يمكن ان يوصف بيهما الاب وفى نفس الوقت يوصف بهما الابن والروح القدس .

دة يا يسى الى اقدر اقولهولك يارب تستفيد منة وبرافو عليكك انك بتسال

BESOO كتب:: لا احنا كده مش بنفصل

الرب هو الاله بس صيغه الكلام متغيره بس المعني واحد

** التكرار يوضح المعني ويقويه **

يارب اكون عرفت افيدك .. ربنا يعوضك

سوري يا يسي انا هنا فهمتكـ غلط انا افتكرت انك بتقول ليه بنكرر كلمه نؤمن .. بس

سوري يا جمااااااااعه انا اسف جداااا .. تقبلوا مروري

كلمة اقنوم هى كلمة سريانية تترجم على اساس انها تعنى خاصية ذاتية

فى اللة وهى لا تعنى وجود شركاء للة .. فالله واحد فى جوهرة وذاتة ولكن يوجد فى هذا الجوهر

الواحد ثلاثة خواص ذاتية بدون هذة الخواص الثلاثة او

بدون واحدة منهم تنعدم الذات الالهية دة معنها

.. بص عشان تفهم اكتر انا جبتلك ده

4- "نؤمن برب واحد يسوع المسيح"

كدا وضحت الرؤية وتقريبا انا فهمت الجملة

ميرسى كتير لتعبك يا بيسو
شكرا

يا شيرى
اسف انى غلبتكم
ربنا يعوض تعب محبتكمم
شكرا

اااااااااااااااااا

بااااااالعكس .. كل اللي يهمني ان تكون فهمت مش اكتر ولو عايز اي حاجه تاااااااني اتفضل

ربــــ يباركك ويعوضك ـــــبـــــــا

لا بجد وضحت الرؤية

بشكر تعب محبتكم كتير
ربنا يعوضكم
واللة انى بحبكم

بعد اذنكم انا عندى وجهه نظر
ان الله الاب ضابط الكل هو اذلى علشان كده هو الى جه فى الاول
وبعدين ربنا تجسد على شبهنا ومثالنا فى الابن الى هو الرب يسوع
يلقى لمى نقول قى قانون الايمان نؤمن باله واحد الله الاب ضابط الكل خالق السماء والارض ما يرى وما لا يرى
فالله الاب هو الازلى
وهو الى خلق كل حاجه ابل ميكون فى نسمه حياه فى الارض

وبعدين بييجى الابن الى بمعنا اننا مشيين فى بالترتيب فاهمي يعنى ابتدى الله الاب وبعدين الابن تدريجيا مش بيفصل بينهم ده كده بياكد كلام الكتاب المقدس وبيقويه

يعنى فى النهايه مش بنفرق بين الله الاب والابن احنا بنوصل بين حدثين بنحظهم ورى بعض لتقويه الصلى وعلشان نفهم اكتر من خلال قانون الايمان
ولو فى اى حاجه يا جماعه شيفينها غلط فى كلامى تقضروو تصلحوهالى انا برده اخوكم الصغير

سلام المسيح معاكم

ميرسي يا افا فانا علي ردكـ الجميل
ربنا يباركك