نقطة دم تنهى حياة ......

نقطة دم تنهى حياة
كان مره في قطه ماشيه في شارع مابيعديش فيه حد خالص فوهي ماشيه وجدت نقطه دم علي الارض راحت وخدها بالسانها ومشيت ولقيت انا طعماها حلو وجت القطه تاني يوم من نفس الشارع لقيت نقطه دم في نفس المكان علي الارض راحت برده واخده نقطه الدم ماهو الحال عجبها وبرده 3 يوم حصل معاها نفس الكلام وبتلاقي نقطه الدم في نفس المكان و 4 يوم برده و5 يوم وهكذا فضلت كل يوم تاخد نقطه الدم من نفس المكان بالضبط لمده 3 شهور لحد ما جت في يوم ماتت عند المكان اللي فيه نقطه الدم .... بس كان فيه حاجه غريبه جدا القطه رغم انها كانت كل يوم تاخد نقطه الدم وهي مبسوطه باطعماها كانت بتضعف اكتر وفضلت علي مدار ال3شهور تضعف وتضعف وتضعف لحد ما ماتت رغم ان المفروض يحصل العكس!!!!! وفي كمان حاجه تانيه الشارع ده مفيش ولا واحد بيعدي منه نقطه الدم دي كانت بتيجي منين كل يوم!!!!!!!! خلاص مش هاحيركوا كتير في اول مره خالص المكان اللي كانت عليه نقطه الدم دي عباره عن سن زجاجه مكسوره علي الارض فلما القطه اخدتها بالسانها ومشيت طبعا اتعورت فسابت مكانها نقطه دم بدل اللي خادتها وفضلت علي الحال ده و كده هي مبسوطه لكن كان دمها بيتصفي وهي مش عارفه لحد ما ماتت بسبب نقطه الدم واهي فاكره انها بتتمتع بطعم نقطه الدم لكن اللي كان بيحصل انها كانت بتموت نفسها بالبطيء........................ لو فكرتوا معايا شويه هتعرفوا انا اقصد ايه القصه دي بالضبط عامله زي علاقتنا بالشهوات اي شهوه فالقطه دي هي انا وانت وانتي وكلنا ونقطه الدم دي هي الشهوه علي اد ما احنا بنمارس الشهوه واحنا حاسين بمتعه ومبسوطين لكنها متعه لحظيه لكن هي بتموتنا بجد بتموت روحنا ودمر عقلنا ولو فضلنا وراها هنموت روحنا بجد ونحس اننا انفصلنا عن الله ويبقي ابليس عمل اللي عايزه ابليس هو اللي بيحطلنا اول نقطه دم واحنا لو خدناها ممكن جدا تستعبدنا الشهوه زي ما نقطه الدم عملت في القطه احذروا من الشهوات ولو فينا حد واقع في شهوه معينيه ممكن جدا ما يعديش من الطريق اللي فيه نقطه الدم (الشهوه)ويبقي كده خلص من الموضوع ده ولو ادعوت يمشي في الطريق ده يحاول ولو مشي مره ما يمشيش التانيه الموضوع بس محتاجه شويه اراده وكلنا طبعا اقويا انت قوي وانتي قويه لان معانا يسوع المسيح وبالصوم والصلاه نقدر نمسح نقطه الدم دي من الشارع (حياتنا)ويبقي الشارع نظيف وحياتنا بتقوي وتقوي بالعشره مع يسوع فكن قوي الاراده وواثق في نفسك اكتر واكتر واوعي تعمل زي القطه ويعجبك الحال وتقول انا مبسوط كده لان اديك عرفت نهايتها ايه موت وانفصال عن الله والموت مفيش بعده حياه يعني الحق نفسك من دلوقت ربنا بينادي كل واحد فينا وابعد بعيد عن نقطه الدم والطريق اللي موجوده فيه وخليك \خليكي ولد \ بنت جامد\ جامده وواثق\ واثقه في نفسك انك تقدر تعمل اللي انت عايزوه وابليس ما يقدرش يتحكم فيك وتمسح الشهوه من حياتك للابد
مين هينظف شارع حياتة ويتبع المصلوب اللى مات علشان البشر وينجينا من الهلاك؟

__________________

روعةةةةةةةةةةةةةةةةةةةةةةةةةةةةةةةةة
ميرسى كتير يا شيرى
بجد قصة اكتر من حلوة
ربنا يبارك حياتك ويحفظك من الشهوات
شكرا

ااااااااااااااااااااااااااااااااااااااااااا
ازكرينى فى صلواتك

ميرسى خالص ياشيرى بجد قصه اكثر من رائعه

ربنا يبارك فى خدمتك

مرسى جدااااااااا يا يسى على ردك الجميل دة ربنا يقف معاك ويباركك
.........................................................................
مرسى خالص ياميمووووو يا امورة على مرورك العسل دة ربنا يبارك خدمتك