نفسى ارجعلك

نفسى ارجعلك يارب نفسى ارجعلك
نفسى اتوب نفسى اقرب منك
نفسى اكون مسيحى بجد
نفسى اكون انسان حلو وطاهر ونضيف

بس انا نفسى اسألك سؤال ؟؟؟؟

هو ليه كل ما بحاول اقرب منك الاقى نفسى بعدت ... هو ليه كل مابحاول امشى خطوه فى طريقك الاقى نفسى رجعت ... ليه كل مابحاول اطلع سلمه الاقى نفسى وقعت مره تانيه
ليه يارب ليه ليه

ليه ديماا بيكون جوايا اشتياق انى امشى فى طريقك لكن بكون زى العاجز زى المشلول
مش عارف احرك رجلى خطوه واحده
ليه طريقك بيبان قدامى صعب وكله اشواااااااااك ليه يارب
هو مافيش طريق طريقه سهله اعيش بيها معاك

يارب انا عارف انك الكل فى الكل وانت ضابط الكل وخالق الكل انت البدايه والنهايه
الاول والاخر
لكن اعمل ايه .. اعمل ايه مش قادر امشى معاك مش قادر عارف ان طريقك هو الصح
والا هايمشى معاك ليه حياه ابديه
وعارف بردو ان كل الناس الا بعيده عنك مصيرهم جهنم

ارجوك يارب ساعدنى ارجعلك ساعدنى امشى معاك يارب
انت قولت هنأنذا واقف على باب اقرع .. دا مش كفايه انا مش عايزك تخبط بس
دا انا عايزك كمااااان تساعدنى افتحلك يارب انا محتجلك
ابنك محتجلك قووووى
ارجووك فوقنى .. فوقنى من النوم الغفله احسن اموت بخطيتى انا عارف ان ماهونش
عليك انا عارف ومتاكد من كده وعارف الانسان الا بيبعد عنك بيبعد بمزاجه وباختياره
لكن انا يارب عايزك تساعدنى عايزك تشلنى من طين الخطيه الا انا واقع فيها ومبهدلانى
عايزك تشلنى من لا مبلاه الا انا فيها
يارب دا انا من كتر خطيتى حاسس انى بعيد عنك قووى مع انك ابويا مش سايبنى
حاسس انى مش ممكن هارجعلك فى يوم من الايام حاسس ان انا مهما قومت هاسقط
مهما قربت منك هابعد مهما طلعت هانزل
ارجوووووووووك يارب شيل منى الاحساس ده انا واثق دى اوهام وافكار من ابليس بيحاول بيها انه يبعدنى عنك توبنى يارب فاتووووووووووووووووب
يارب عايز اكون معاك عايز اكون ليك انت بس عايز اعيشلك انت بس
ساعدنى ساعدنى يارب انت وحدك يارب القادر على كل شىء ولا يتعذر عليك اى امر
انت وحدك يارب قومت الميت انت وحدك يارب فتحت عنين الاعمى انت يارب الا خليت المشلول يمشى

وانااااااا يارب كلى دوووووول انا الميت عشان بعدت عنك
اناااااا الاعمى عشااااااااااان الخطيه عمتنى
انا المشلول عشان حبى للخطيه خلانى مش قادر امشى فى طريقك

ارجووووووووك يارب ارجوووووووووك انقذنى متسبنيش
امسك بيدى متسيبنيش ياررررررررررررررررررب

امييييييييييييييييييييييييييييييييييييين

صلوا لااجل ضعفى

[ندعوك للتسجيل في المنتدى أو التعريف بنفسك لمعاينة هذه الصورة]