مشكلة صعبة

أولا ً :- هوا مش بس في أمل لا كمان في رجاء ومتنساش بيقول كل المتكلين عليك ورجائهم فيك لا يخزون واذا كانت الحاجه دي فعلا مسيطره عليك اكشف نفسك قدام ربنا وهتحس بخزي من الخطيه دي ولما هيجيلك الاحساس دا هتقدر تحس بقيمه الخطيه دي وافتكر دايما الايه الي بتقول لا يثبت روحي في هؤلاء القوم لانهم زناه ودي اول خطوه وانك تحس بقيمه الخطيه الي بتعملها

ثانياً :- متتساهلش مع الخطيه او متتساومش معاها ازاي
1- شوف الاسباب الي بتخليك تلجا انك تعمل وهيكون من اهمها الياس والفراغ
2- واذا كان علي الياس مش هتقدر تتغلب عليه غير لما تكون عندك اراده ودافع من جواك هوا الي يعمل كده والدافع دا مش هيرجعلك غير لما ترجع انتا وتدي فرصه للروح القدس انه يحل فيك اولا تصوم مش عن الاكل لا عن الخطيه ودي هتبقي مرحله صعبه ف بدايتها وتروح تعترف ومتتكسفش لان ابليس هيقعد يلف ويدور بالفكر حواليك ويقولك ازاي وابونا ياخد فكره كذا والكلام دا كله لازم تكون عامل حسابه لكن انا هقولك علي حاجه تتخليك تتجرا ومتخافش من انك تتكسف حط ف فكرك انك بعد م هتعترف هتموت (بعد الشر يعني ) وانك هتقابل ربنا يبقي لازم تطلع من عند اب الاعتراف دا وانتا غاسل نفسك من كل خطيه وانتا مش هتحكيله تفاصيل الخطيه انتا هتقوله انه في شهوه معينه مسيطره عليا وعايز اتخلص منها
واذا كان علي الفراغ يبقي لازم تملا وقتك باي حاجه ولازم تتعب جسد باي عمل ممكن اخترع انك تعمل اي حاجه ومتديش فره لنفسك انك تبقي متفرغ وفي مقوله حلوه كان بيقولها ابونا عبد المسيح الحبشي وهيا اشتغل يا جبره وجبره دا كان اسمه قبل مايترهبن رسمي (اشتغل يا جبره شيطان واحد يحاربك تقعد فاضي يا جبره الشياطين كلها تحاربك )
وخليك دايما واثق جداً ف رجاءك لربنا ارجعله وهتلاقيه مستنيك لانه هيسامحك واسمع وعظه الرجاء لفداسه البابا هتفيدك كتير لانه فيها بيقول (لما بطرس سال المسيح وقاله كام مره يخطيء فيها اخي اليا وانا اسامحه هل الي 7 مرات رد عليه المسيح وقاله بل اقول لك 70 مره 7 مرات فاذا كان طلب من الانسان انه يسامح 70 مره سبع مرات تخيل هوا ممكن يسامح اد ايه واتمسك بايه لا تشمتي بي يا عدوتي ان سقط فاقوم وافتكر ربنا بانه جه ليدعي خطاه لا ابرار الي التوبه وافتكر بانك معاك خطيه تتمسك بيها ف صلاتك وتقدر تقول من عمق قلبك انك خاطي وخلي الخطيه سبب ف لاتك مش زي م ابليس بيوضحلك انك خلاص سقط ومش هتقدر تقاوم
واشكر ربنا انه ادالك فرصه انك تتوب وترجع له من تاني وكل دا عشان ايه عشان هوا بيحبك

وهنستناك ترجع وتقول ان ربنا عمل فيك ورجعت وبقيت احسن من الاول
ومتنساش تذكرنا ف صلواتك وربنا معاك ويرعاك