ترنيمه غالي عليك

القرار
( غالي عليك ربي أنا غالي عليك ) - 2
و غلاوتي مش فيا
دي محبتك ليـّــا
حطتني جوة قلبك .. و شلتني في عنيك
غـــالــي عليــــك

1-رغم إني قليـّـل في عنيّ
و ضعيف قدام أي خطية
وشعوري بالذنب ماليني
و حياتي فاترة و مطفية
( و الماضي عمال يطاردني
و الناس حواليّـا بتغلبني ) - 2
و مفيش حاجة تسُر القلب
لكن ثقتي فــحبـك ليـّـا
دانا غالي عليك

2-رغم إني عاهدتك أرجعلك
لكني معُــدتـِـش انفعلك
دا مفيه شيء صالح فيا
و مؤكد في جهنم هاهلك
( لا اديتـك فرصة تكلمني
ولا في ظروفي الصعبة هاممني ) - 2
مع إن الموت قرب مني
كان حياخدني و يقضي عليا
دانا غالي عليك

3-لكن صوتك جه و فوقني
و الليلة أنا راجع صدقني
لحظة تاني بدونك لا
تعلالي و من شري اعتقني
( إخلّــق فيّ قلب جديد
و ارمي الماضي عني بعيد) - 2
انا من الليلة واحد تاني
و الجاي معاك فرحة و عيد
دانا غالي عليك

الترنيمه حلللللللوة قووووووي يا ماريان

ربنا يبارك حياتك

فعلا ربنا غالى علينا لأنه هو اللى فدانا بدمه وغفر لنا خطايانا

أشكرك يا ماريان على الترنيمة الجميلة دى

ربنا يبارك حياتك