تعالوا نعيش صح مع الناس.......

[ندعوك للتسجيل في المنتدى أو التعريف بنفسك لمعاينة هذه الصورة]

هنا فى التوبيك ده هنحاول نساعد بعض ونقول لبعض ازاى نعيش صح مع الناس

من خلال مواقف قابلتنا فى حياتنا ( بدون تفاصيل ) ناخد خبرات وعبرات من بعض

------------

قلبك ابيض

ماتزعلش على حاجه صح انت عملتها
انت كده الصح .. انت الكبير
لما تسامح اللى غلط فيك يبقى انت الصح مش الغلط
بولس الرسول بيقول طوبى لمن لا يدين نفسه فيما يستحسنه
يعنى لو انت عملت حاجه صح ماتندمش عليها وتقول ان مكنش يستاهل
حتى ولو قدمت تنازلات مقبولة

يعنى لو حد أهانك او جرحك
من وراك او من قدامك
زميل صديق أو حتى أخ
او حتى لو مالوش علاقه بيك

قلبك ابيض
تسامح
انت ابن الملك
وتصرفاتك لازم تكون تصرفات الامراء لأنك امير على الارض

الشيطان بيجى فى ودنك ويهمس
كرامتك -شخصيتك - وضعك
كده هيقولوا انك ضعيف
لازم تبقى شديد وحازم وماتبقاش لقمه سهله

وهو المسيح لما انضرب بالألم على وشه
واتبصق عليه
واتطلم واتجلد واطعن واتصلب
بدون اى ذنب
وهو الاله

فين ساعتها الكرامة والمجد السماوى
لم ينقصوا شئ

بالعكس بل قمة مجد ربنا وهو على الصليب
لأنه أظهر محبته بالعمل والقول والفكر

مقاييس البشر دايما ناقصة
مقاييس الناس متلخبطه مش دايما صح

الميزان الحقيقى للامور هو كلام الانجيل - الكتاب المقدس
والانجيل علمنا ان احنا نكون متسامحين
صبورين
رحماء
شفوقين

أيها الاقوياء احتملوا ضعف الضعفاء

لو انت زرعت محبتك واظهرتها بطريقه عمليه بين الناس
صعب تلاقى حد منهم يجرحك
ولو جرحك - كحرب من الشيطان
هيرجع ويندم ويعتذرلك

بس لو شاف ساعتها انك قلبك ابيض
ومتسامح
هيفتكر الحب القديم
وهيتجلى قدامه الحب الجديد او بمعنى اصح استمرار الحب القديم
وهيلاقى نفسه غلطان
وهيزعل من نفسه
وانت ساعتها
لأنك قلبك ابيض ومحب
هتنسى وهتسامح

أنت الامير ابن الملك
واذا كان ربنا سامحك على كتير كتير

مش عارف حتى تسامح اخوك على القليل

ان ماكنش علشان خاطر الحب اللى مابينكم
علشان خاطر ربنا

علشان خاطر تكون فى الملكوت
لأن محدش هيروح الملكوت لو كان فى قلبه ذرة فتور او عدم حب

لو كان قلبه اسود
أوحتى رمادى

علشان كده ياريت يبقى قلبك ابيض

قلبك ابيض