يمسح الدموع ؟؟

.. إجْعَلْ أَنْتَ دُمُوعِي فِي زِقِّكَ .. أَمَا هِيَ فِي سِفْرِك َ؟ " مزمور 56 : 8

كلمات بسيطة لكنها قوية وعميقة في معناها..آثرت فيا انا شخصيا كتير

وكتير من الناس لمست الكلمات دي جواهم .. مش للظروف الصعبة ولا لشدة الألم

ولا للحزن الكبير الناتج عن مواقف مختلفة .. لكن لقوة الكلمات وعمقها

زق يعني قربة جلد كانوا بيستخدموها زمان لحفظ المية

†
في وقت ممكن تكون حزين بتتألم لموقف صعب مريت بيه أو لظرف عصيب عايش فيه .. اوقات تكون كحمامة بكماء بين الغرباء .. مش عارف ترد .. مش قادر تتكلم .. كل اللي جواك آلم .. ضيق .. ودموع .. تفكير كتير في الأحداث اللي بتحصل

ونسأل.. ايه ده ؟ ليه كل ده ؟ هو فيه ايه ؟ .. مواقف معينة بتحرك دموعنا من عيوننا .. فيه مننا مش بيحب ان حد غريب يشوف دموعه .. ومننا اللي دموعه بعيدة جدا .. ومننا اللي دموعه جواه .. وفيه اللي بيختار صديق او حبيب أو آخ يتكلم معاه ويفضفض بكل اللي جواه .. وبعد الكلام ممكن يرتاح وممكن لأ

علشان كده تعالوا نسأل نفسنا .. وقت الحزن والضيق والجرح بنختار مين علشان يمسح دموعنا ؟؟؟؟
[ندعوك للتسجيل في المنتدى أو التعريف بنفسك لمعاينة هذه الصورة]