من الشيطان هام جداااااااا

من الشيطان هام جدا.

إلى جميع فئات الشعب .. أطفال .. شيوخ .. و شباب الى كل
إلى جماهير البشر الغفيره .. و الحاضر يقول للى غاب
أنا الشيطان مش شاطر .. لأنى مش مـ الطلاب
لا بضرب حد على إيدُه .. ولا بهدد بالعقاب
أنا بس بعرض سِلعتى .. و البايع و الشارى أحباب
و عندى خدمة التوصيل للمنازل والعقول .. و تقفل شباك هدُق الباب
و على فكره .. أنا لحوح .. و كرامتى تحت التراب
و مش بيصعب عليا حد .. لأنى مش هكسب ثواب
و أرحب جداً جداً .. جداٌ .. باللمه و الأصحاب
و اللى هصاحبُه هيبقى قوى .. و هيطلعلُه كتير أنياب
تعالو و عيشو ويايا .. ده انا وحيد .. و عندى إكتئاب
و ماتبقاش أخلاق منكُم .. لو سيبتونى أعيش فى عذاب
عندى هتلاقو الراحه .. و الحريه من غير حساب
عندى هتلاقو المتعه .. وهتشربو السعادة فـ اكواب
دايماً هكون فـ خدمتكم .. تحت الطلب .. خدام .. و بواب
من قبل حتى ما تتمنو .. من غير سؤال هتلاقو جواب
المهم عندى راحتكُم .. شوفتو إذاى أستحق الإعجاب
لكن ربنا هيقيدكُم .. صوم و صلا .. و عيشه هباب
قال إيه !!.. الدنيا دى مش دُنيتكُم .. و انتو فى العالم أغراب
و اللى يضربك على خدك .. حَوِل وِشَك من غير عتاب
و اللى يخاصمك عشان هدومك .. سيبلُه الرداء و الثياب
إذاى يعنى تكونو حملان .. و تعيشو وسط الذئاب
يعنى بذمتكُم ده كلام .. ده أوهام .. ده سراب
إسمعونى و صدقونى .. ده انا كبير .. و شعرى شاب
خدو منى الكلام المفيد .. خدو خِبرتى .. و إعملو الصواب
سيبولى نفسكُم .. و ابقى انا ربكُم .. و نعمَّ الأرباب
و أوعدكُم بعيشه حكايه .. و أحلى نهايه .. مش ذى مابيقول الكتاب
ونعيش سوا فـ بُحيرة .. مالهاش أخر وكبيرة .. ومافيهاش باب
الدفا ماليها .. والصريخ مخليها .. هيصة ونغم خلاب
هنبكى من كُتر الفرحة .. ونطنطط من غير أسباب
و نعيش للأبد .. سنين مالهاش عدد .. والمرة دى انا مش كداب انا بعرض اغرائتى وبلف عليكم واحد وحد ومش بتتعب لانى فى خدمتكم وعاوزكم معايا لانى ميصحش اروح النار لوحدى وعاوزكم صحبة معايا وانا بعرض عليكم فى منكم بيقبلنى وبيرحب بيا بل بيكون مستنينى اجيله وفى منكم بقفل الباب فى وجهى مجرد فكرة لانه متحصن بالحب الالهى لانه كلمة ربنا فى قلبه وبرجع مهزوم وعندى خيبة امل لكن مش بيااس وبرجعلهم تانى لكى اخدهم معايا لكن بيرفضونى وبيسحقونى تحت اقدامهم بقوة الصليب وبرب المجد ساندهم اما اللى بيجى معايا
بخليك تعيش فى متعه وقتيه وفى ناس بتدور على متعه سمائيه وعليك انت تختار عاوزانى انا على الارض ولا عاوز السماء عاوزنى على الارض يبقى حندفى سوى فى نار جنهم لان الجو حيكون شتا وتتدفى فى النار ليل ونهار
اما اللى عاوز السماء بيقول ما لما تراه عين ولا لما يخطر على اذن بشر ما اعده الله
على فكرة انا قارى الانجيل اللى انت مش بتقراه وانا برمى عليك الكسل والتاجيل وبكده اصبحت انت ملكى وانا وانت وكل انسان على الارض مشى فى طريقى وسمع كلامى وعليك انك تختار انا والنار او الملكوت اللى بيقوله الرب وبعدين انا بعرفك حاجه بدخل لك المتعه فى راسك وانت بطبيعتك الوحشه بتقبلها وبتكون عبد ليا لكن فى ناس مجرد لما ادخل بيرفضونى وبيعدونى بكلمة الرب هما اللى حيخسرم متعت اللى بقدمها مع نار جهنم الابديه الى حيدفو بيها والدود اللى حيونسكم فى وحددتكم وساعتها انا معرفكمش سمعتو كلامى ليه انا مش بكدب عليكم بقولكم الحقيقه برغم انى حخسر كتير لانى عاوز اكبر عدد من اولاد الله معايا علشان مكنش لوحدى فى النار اللى الرب عملها علشان بيحبنى اوى وعاوزنى ادافى فيها نار متقدة ولهيبها واصلله للسماء انا عرضت عليكم ولكم حرية الاختيارى وانا مش بغصب على حد وعليك انت عاوز ايه



منقووووول من بابا ابراهيم حبيب
[ندعوك للتسجيل في المنتدى أو التعريف بنفسك لمعاينة هذه الصورة]