آخر يوم فى حياتى

آخر يوم فى حياتى


[ندعوك للتسجيل في المنتدى أو التعريف بنفسك لمعاينة هذه الصورة]

فى اليوم ده كنت
منتعش جدا حاسس بأننى نشيط ومرح الى أقصى الحدود -استغربت جدا .. النهارده
آخر يوم فى صيام الميلاد وأنا صايم من أول يوم فى الصيام يعنى المفروض
أكون تعبان حتى شويه - قلت يمكن علشان بكره العيد وبالليل القداس فى
الكنيسه أيوه هو كده
لكن ليه المطرانيه قدمت ميعاد القداس ؟ غريبه عموما ماتفرقش المهم إن العيد بكره

[ندعوك للتسجيل في المنتدى أو التعريف بنفسك لمعاينة هذه الصورة]

عاكست الجميع فى البيت وهات ياضحك وتهريج و برضه مش عارف حالة المرح دى زياده شويه لكن ده بكره العيد وبالليل القداس
مش عارف ليه حبيت أقابل كل أصحابى حتى ولو دقيقتين بس الوقت بيمر بسرعه ليه ؟

[ندعوك للتسجيل في المنتدى أو التعريف بنفسك لمعاينة هذه الصورة]



مافيش مشكله الى ماقدرتش أقابله أتصل به بالتليفون .. فكره !

ياه الساعه بقت ثمانيه و القداس حايبتدى دلوقت مش عارف بس ليه بدرى كده ماكل سنه بيبتدى عشره ويخلص بعد اتناشر

[ندعوك للتسجيل في المنتدى أو التعريف بنفسك لمعاينة هذه الصورة]



قبلت الجميع فى البيت حاسس ان أنا مسافر مش رايح القداس ساعتين وراجع !! استغربت

حسيت بحاجه غريبه مش عارف أوصفها لكم ... فرحان وحزين .. مستعجل جدا وبرضه مكسل خالص .. حاجه مخوفانى وصوت جوايا بيشجعنى !!


[ندعوك للتسجيل في المنتدى أو التعريف بنفسك لمعاينة هذه الصورة]

دخلت الكنيسه وحضرت القداس .. قداس العيد مش عارف ليه حاسس إنه مختلف عن أى قداس تانى ؟!

[ندعوك للتسجيل في المنتدى أو التعريف بنفسك لمعاينة هذه الصورة]



وأنا باصلى حاسس إن الأيقونات بتتحرك .. ايه الحكايه معقول يعنى العدرا حاتظهر هنا ؟ بصيت يمين وشمال إن حد يقول حاجه مافيش .. لا أكيد أنا تعبان أيوه حاسس إنى تعبان جدا حاسس إن عمرى 100 سنه مش 19 سنه حزين مهموم خايف - آه فهمت الشيطان بيلعب لعبته وعايز يبوظ على القداس والعيد لا مش هايحصل النهارده عيد ميلاد يسوع لازم أبقى فرحان


[ندعوك للتسجيل في المنتدى أو التعريف بنفسك لمعاينة هذه الصورة]

خلص القداس ووقفت شويه مع اصحابى بنهنى بعض

[ندعوك للتسجيل في المنتدى أو التعريف بنفسك لمعاينة هذه الصورة]
طلعت الشارع فى ميدان بنك مصر فى نجع حمادى بعد كده إنتم عارفين اللى حصل

[ندعوك للتسجيل في المنتدى أو التعريف بنفسك لمعاينة هذه الصورة]

زعلانين مش كده
ليه بقى ؟

[ندعوك للتسجيل في المنتدى أو التعريف بنفسك لمعاينة هذه الصورة]

أنا عيدت فى حضن يسوع .. فطرت فى السما
افرحوا لى .....

[ندعوك للتسجيل في المنتدى أو التعريف بنفسك لمعاينة هذه الصورة]

وماتزعلوش أنا مبسوط خالص بس ما أقدرش أوصف لكم كل حاجه علشان دى فوق تخيل البشر

[ندعوك للتسجيل في المنتدى أو التعريف بنفسك لمعاينة هذه الصورة]

اقول لكم
لغاية مانتقابل
كل سنه وإنتم طيبين

[ندعوك للتسجيل في المنتدى أو التعريف بنفسك لمعاينة هذه الصورة]


لكم جميعا كل المحبه

موضوع في غايه الروعـــــــه


يا شيري ربنا يعوضك