معجزةللقديس اباسيخيرون و البابا كيرلس

+المعجزة الاولى:
لما كنت بالصف الثالث الثانوى(الصناعى) كنت بذاكر طول السنة باجتهاد علشان ادخل كلية او معهد و لكن للاسف جيت فى ايام الامتحانات و ساءت حالتى النفسية و الصحية لدرجة انى مكنتش اقدر امسك القلم و اذاكر اى حاجة بس كل اللى فكراه انى كنت بالليل انام وفى حضنى كتاب معجزات البابا كيرلس و كنت اروح الامتحان وصدقونى معرفش كنت باكتب ايه واذاى و اروح البيت اقعد اعيط على ضياع مستقبلى و كنت فى رعب شديد حتى بانت النتيجة وفرحنى البابا كيرلس و نجحنى و دخلت المعهد الفنى بالمطريه0
+المعجزة الثانية:
لما دخلت المعهد قررت انى لازم اجيب تقدير و ادخل كلية علشان افرح ربنا و بابا و ماما وكنت قبل كل امتحان اقول مزمور و اقرأ معجزة للبابا كيرلس و كل ماافتح كتاب المعجزات تطلع نفس المعجزة وهى عن طالب رغم الصعوبات دخل كلية الهندسة وبعد الامتحان اضع ورقة الاسئلة فى كتاب المعجزات وبنعمة ربنا و صلوات ام النور ومارمينا و البابا كيرلس جبت امتياز و دخلت كلية الهندسة بشبرا(مع العلم بانى مكنتش عايزة الكلية دى لانى كنت حابة انى اكون مدرسة) بس اقول ايه لتكن ارادة رب المجد0
+المعجزة الثالثة:
لما دخلت كلية الهندسة الشيطان مسبنيش حاول يكسر فرحتى بالنجاح فبدء يخوفنى من الكلية فبمجرد دخولى الكلية و حضور المحضرات انهار من العياط استمر معايا الحال دا طول الترم الاول قررت كتير اسيب الكلية واحول لكن ابونا قالى ذاكرى كتير و صلى كتير و انا واثق انك هتنجحى الصراحة كنت بصلى كتير و اعيط كتير وفى امتحان الترم الاول دخل الشيطان فى فكرى انى مذكرش علشان انزل و احول للكلية اللى بحبها و فعلا نزلت فى الترم الاول فى ثلاث مواد ولان ربنا مدناش روح الفشل بل روح النجاح قررت فى الترم الثانى انى اتغلب على افكار الشيطان و انسى اللى حصل فى الترم الاول و احاول اذاكر و اجتهد فى الترم الثانى وادى فرصة لربنا يعمل معايا حاجة و بعد الامتحانات فى الاجازة قرأت قصة القديس اباسخيرون وقررت اكتب قصته كنبذة لى بخطى وبصيت فى صورته وقلت ليه انا حاسة انى انا وبكتب قصتك هيحصل حاجة فى النتيجة وانا وبكتب القصة التليفون رن زميلتى طلبت رقم الجلوس علشان النتيجة بانت قفلت التليفون وقلت للقديس شوف بقى انا نجحت ولا سقطت انا هكمل كتابة قصتك وقبل ماانهى القصة بكلمة امين رن التليفون زميلتى قالت لى انى نجحت وقفلت التليفون وكتبت امين0
(وفعلا ياخوتى رب المجد امين وعادل فى كل وعوده لان ثق ان الذى اختار لك اول الطريق لايتركك فى منتصفه)0
اذكرونى فى صلواتكم+++امين